Eri Wokajil Ajchajil Tinamit (PNC), pa reqele’n uchak ri División rech Puertos, Aeropuertos xuquje’ Puestos Fronterizos (Dipafront) xuquje’ rech ri Subdirección General rech Análisis rech Información Antinarcótica (SGAIA) ri’, paq’ij 25 rech enero xkib’an puqchajinem tzukunik xuquje’ chajinem winaqil pa le Puesto rech control Interinstitucional (PCI), ri kojom pa le kilómetro 177, pa rulewal ri aldea Vado Hondo, Chiquimula ri’.
Eri chajinem ri’ are la’ xb’antaj pa komonchak kuk’ ri reqa’lenel ri Wokajil Ajchajil Iximulew ri’ xuquje’ kumal ri rajchakunel ri Superintendencia rech Administración Tributaria (SAT) ri’, rech taqim uq’atexik ri b’anoj k’ax ri’, rech kaq’atexik rok’owik awan jastaq kunb’al ri’ xuquje’ rech kaya uchuq’ab’ uq’atexik ri contrabando ri’ ruk’ ri elaq’ pa aduanera pa qatinamit.
Eri q’atb’al Tzij rech chajinem pa tinamit ketajin kakilo we man e k’ot winaq taqom kichapik xuquje’ we man k’ot awan jastaq keqam b’i, jacha taq k’aqb’al, ub’aq’ k’aqb’al xuquje’ awan kunb’al ri’. Xuquje’ kakisolij upam taq ri ch’ich’ keqam b’i eqa’n we man k’ot awan jastaq keqam b’i ri’ pa rulewal qatinamit, ri qaraj kiwam b’i kuk’.
Eri komonchak kumal ri wokajil ri’ are ri’ kuya uchuq’ab’ ri ub’e’al ri chajinem xtaq ub’anik rumal ri Wokom Taqanel Iximulew pa le uchakunik ri Ministerio rech Gobernación, rech uq’atexik b’anoj k’ax xuquje’ rech chajinem winaqil pa qatinamit.