Rech kub’an rajchajinel ri Wokajil Ajchajin Tinamit karaj k’o nim kichuq’ab’ kich’akul ri ajchajinelab’. Eri b’anow tijoninem ri’ kumaj jun tz’aqat tijob’enik rech kak’iyisax ri et’amanik, ri b’anob’alil xuquje’ ri suk’alil rajawaxik rech kachaplex ri chajinik tinamit.
Ri kitijoxik ri k’ak’ taq chajinelab’ kuk’am rib’ ruk’ usilob’isaj ch’akulaj, no’jojil tijonik, taqanik q’atb’al tzij xuquje’ uk’aslemaxik uchaplexik no’jib’al, rachi’l ri tijoj ib’ rech b’anob’alil chajinem ruk’ kina’ojil ri moloj. Chi uwi we taq tijonik katz’aqatisax uno’jib’alil ri ya’tal k’aslemalil winaq, rech uq’atexik b’anow k’ax xuquje’ rech uq’axexik kib’ kuk’ ri winaqib’, rech kachuq’ab’isax jun chajinik k’o pa uwi’ ri nimam winaq, ri k’olchak xuquje’ ri patan pa ri tinamit.
Xuquje’, ri tijoxelab’ e’ajchajinelab’ kakik’am ri tijob’enïk pa taq ri k’aslemalil winaqil, ri eta’manik rech taqanik q’atb’al tzij, xuquje’ rech pa taq k’utunik rech ri upatanejik chajinem tinamit, je jas rech tob’al uchajixik ib’, rech k’aqb’alil xuquje’ ri k’aqonik. Ri choltijonik ri’ are kutzukuj uk’iyisaxik chuq’ab’il chi ke ri k’ak’ taq chajinelab’ kakib’an kakipatanej ruk’ saqilb’anem ri’, ri k’olchak xuquje’ kuya’o rib’ ruk’ ri taqanel una’ojil ri taqawokajilal.
Je wari’, ri tijob’enïk kutzukuj che ri tijoxelab’ chajinelab’ rech ri 58.ª jupuq atijoxelab’ man xaq ta kakik’am ri rajawaxik chuq’ab’il rech katzijox pa jalajoj taq k’ayewal, xane’ xuquje’ kano’jin chi rij ri nim k’olchak rech kachaple’x jun patan rech chajib’al, uq’atexik k’ax xuquje’ upatanexik ri winaqilal ri’.
Ruk’ we tijob’enïk, ri ajtijoxelab’ keb’inemik pa jun k’ak’ q’ij rech kik’aslemal ajno’jchak, keta’m che ri ukusaxik ri atz’yaq ma xaq ta jun etal rech ri moloj taqawokaj: are rech b’a’ kuya rib’ pa jun nim jikib’anik rech chajinik, upatanexik xuquje’ uchakuxik pa toq’ob’anik chi ke ri winaqil rech Iximulew.