Eri tzukunelab’ ri’ rech ri Wokajil Jachakunb’al rech Q’atel b’anoj k’ax che kik’aslemal winaq ri’, ruk’ utob’anik reqa’lenel ri comisaría 11 rech ri Wokajil Ajchajil Tinamit, xkiya’ loq utzijol che pa le 18 calle chi uxo’l 7ª ruk’ 8ª avenida rech ri zona 1 chi’ xechapataj wi loq e oxib’ winaqib’ ri k’o jun k’olib’al ruk’ crack pa awalik keqam ri’ pa jun sipb’al wiqom rij ri’.
Eri xechapatajik ri’ e are k’u ri’ jun ixoq ub’i’ Anggie Beatriz Salazar 30 ujunab’, a Jesse Maverick Oswaldo Vielman Ramírez 24 ujunab’ xuquje’ a Cristian Alejandro Mayen Castellanos 19 ujunab’ ri’, kab’ixik are chi’ e b’enaq pa jun ch’ich’ P- 513GLF, chi upam k’u ri’ xraqataj wi kajib’ ral pajb’al ri awan kunb’alil che ri kik’amom b’i pa jun sipb’al ri’.
Aretaq xch’ob’otaj kuwach xuquje are chi’ xeraqatajik kumal e ajchajinelab’ rech ri Subdirección General rech Análisis rech Información Antinarcótica xk’utunik che tzij are ri awan kunb’alil ub’i’ crack keqam b’i, rumal ri’ xek’am b’i pa q’atb’altzij chi rij wari’.