Eri PNC xuquje’ ri nik’aj chik wokajilal xkitik ri’ qaraj k’o 47 mil chi che’ pa ronojel ri Amaq’.
Pa le uq’ijol ri 25 ujunab’ xutz’aqatisaj ri Wokajil Ajchajil Tinamit (PNC), eri k’ama lb’e rech ri wokajil ajchajin tinamit, Héctor Hernández, ri k’amal b’e taqanik rech Operaciones, Nery Benito, ri taqanel rech ri Wokaj Ajchajil K’ache’laj (Diprona), Edgar de la Cruz xuquje’ ri k’amal b’e kech ri Q’atb’al tzij rech ri Lago rech Amatitlán (Amsa), xek’oji pa le tz’apib’al ri cholchak rech tiko’n che’ ub’i’ reforestación “Más bosques, más vida” ri’. Eri ch’ob’otal chak ri’ xnajtib’ jun ik xuquje’ are chi’ xetik 47 mil 130 chi che’ jalajoj uwach pa we ronojel Amaq’.
Eri k’amal b’e rech ri PNC xuya ub’ixik che ri cholchak ri’ are xb’an ri’ rech kepixb’axik ri winaqilal e aj iximulew chi rij nim upatanib’al ri tikon che kab’an ri’, xuquje’ chi rij utikik uwach ronojel k’ache’laj.
“Xuki’kotirsaj kuwach konojel ri e ajchajil tinamit, kuk’ ri wokajilal e ajilonel rech rulewal k’ache’laj, ri rajchak ri q’atb’al tzij, ri winaqilal xuquje’ ri e ajtijoxel pa taq wokja rech pa we Amaq’, ri xkib’an ri’ rech xb’antaj upatanexik ri cholchakunem ri’”, xcha’ ri Hernández Mendoza.
Xub’ij chik che man are wa’ kak’is chi’, rumal k’ut k’o nik’aj chik chakunem kab’an pa amaq’el ri’ pa le Subdirección General rech Q’atel k’ax (SGDP) xuquje’ Diprona, “Pa we junab’ ri’ kaqaterenb’ej ub’anik ri tiko’n che’ pa we Amaq’”, xcha’ ri K’amal b’e rech PNC.