Pa junamil ub’anik ri’ xuquje’ are rech uq’atexik ri b’anoj k’ax ri’ pa le b’anoj tzukunem xtaq ukojik chi’ rumal ri K’amal b’e Amaq’il, Alejandro Giammattei xuquje’ pa komonchak ub’anik k’a pa le Taqanem ri Ministro rech Gobernación, Edgar Godoy rumal ri’ we kamik k’o jun b’anoj tzukunem katajin ri’ pa le japache’ rech “El Infiernito”, ri k’o pa juyub’ tinamit rech Escuintla.

Eri b’anoj tzukunem ri’ are kunimaj uwach ri ukaj Korlim Ya’olchajinik che ri xutaq ukojik ri’ rumal ri K’amal b’e Amaq’ pa le taq’ajil juyub’al ri’ pa taq le waqib’ q’ij chi’ ruk’ ukojik chi’ ri Plan Recuperación xuquje’ Control 4, are wa’ rech taqomkachapik ri achijab’ xuquje’ ixoqib’ che ri e k’o pa molaj b’anol k’ax ri’.

Pa “Le Infiernito” ri’ pa kijujunal tajin katzukuxik ri winaq e tz’apil chi’ rumal k’ut e are uwinaq jun pandilla che ri qas kekamisanik pa le releq’axik kijastaq ri winaqil jacha’ ri jastaq rech xkinib’al, paqb’al uqol tzij, tizjob’al, b’iytzijb’al, ch’uti’n taq paqalib’al uqol tzij rech videojuegos, kolob’ rech k’amq’aq’nil xuquje’ nik’aj chik jastaq xuquje’ pwaqil b’otol ri’.

Eri b’anoj tzukunem ri’ are xmajtaj ri’ pa le waqxaqib’ ukajb’al q’ij rech kasaqarik ri’ pa taq le japache’ ri’, pa le wokajil japache’ tz’apib’al ri’, kumal ri ajchajinelab’ chi’, kumal reqa’lenel ri Wokajil Ajchajil Tinamit (PNC), kumal ri wokajil achajinelab’, kumal ri rajchak ri Ministerio Público xuquje’ kumal ri binomio K-9, are rech kakitzukuj k’aqb’alil, awan kumb’alil, pwaq b’otolik xuquje’ ch’awib’alil ri’.

Eri 223 e ajpache’ chi’ xetz’apixik pa jun chik nimaja’ aretaq katajin ri tzukunik chi’.