Rumal are la’ xutaq ub’anik ri Ministerio rech Gobernación ub’i’ (Mingob) eri Kajno’jinelab’ ri Puq Ajq’ojomab’ xkib’an ri k’amananaq Q’ojomanem B’ixonik Alaxib’al 2022 rech xk’am b’i ki’kotemal chi ke ri winaqilal che ri kewa’kat ri sexta avenida rech ri zona 1 pa uk’u’x nimatinamit.
Pa le q’ojomanem ri’ xek’oji ri ajq’ojomanelab’ b’ixonel rech ri Wokajil Ajchajil Tinamit (PNC) che ri e are e ajpuq q’ojomanel rech ri q’ojomab’al Kayb’il B’alam, ri Combo, ri Mariachi’ xuquje’ ri Banda Marcial, konojel ri’ rajchakunel ri taqawokajil rech ri ya’olchajinem pa Amaq’il.
Chi ke taq ri b’ix xkiq’ojomisaj are ri’ ub’i’ pa Paseo en Trineo, Blanca Navidad, Cuarteto Navideño, ri Niño del Tambor, ri Feliz Navidad, Ven a Mi Casa Esta Navidad xuquje’ Santa Claus xopan pa le Nimatinamit.
Xuquje’, eri q’ojomib’al Kayb’il B’alam xuq’ojomisaj jun Mix Navideño, ri Xajoj Q’ojom rech ri Tortugas, ri Xajoj Q’ojom rech ri Noche Buena xuquje’ xkib’ixoj ri b’ix ub’i’ Venid Fieles Todos xuquje’ Tyox Winaqib’ Keb’ixon Chikaj, ronojel wari’ ri q’ojomab’al ri’ are la’ xikilajila’ kiq’ab’ winaq chi rij ri xek’oji che uta’ik ri b’ixonem q’ojomanik kumal ajq’ojomanelab’ rech chajin tinamit..