Eri Ministro rech Gobernación David Napoleón Barrientos xuya’ ub’ixik che pa taq le q’ij rech ri chakunem pa komon wokajilal rech ri Ministerio rech Gobernación, rumal ri Ministerio rech ri Defensa Nacional xuquje’ rumal ri Ministerio Público ri’ xekowon k’ut che uriqik loq 6 mil pajb’alil rech cocaína ri’.
Rumal k’u ri’, chaq’ab’ rech kamik ri’ xopan pa le rachoch ri Wokajil Ajchajil Tinamit (PNC) k’o pa le zona seis ri’, ri helicópteros rech ri Unidad Aérea rech ri Ministerio rech Gobernación xuquje’ k’aqb’alil xriqitaj pa Tiquisate, Escuintla ri’. Are ri awan kunb’alil ri’ are la’ xb’an retaxik rilik, te k’u ri’ xpisik xuquje’ xk’am b’i pa Retalhuleu paq’ij qajib’al, xcha’ ri ri Ministro Barrientos.
Xub’ij k’ut che aretaq xpajik pa rachoch k’olib’al jastaq rech SGAIA, eri awan kunb’al ri’ xq’alajinik che xpajon mil kilos ri’, are la’ kuk’utu che pa jumul chik eri ri chak xtaq ubanik rumal ri K’amal b’e Amaq’ Alejandro Giammattei sib’alaj k’o tajin che uq’atexik kuwach ri narcotráfico ri’.
“Eri xb’antaj xchakuxik ri’ are la’ uwach kichak ri tzukunelab’ xkib’an ri tzukno’jchak ri’, ri tulisan uwach taq kiqajib’al rapapch’ich’ xuquje’ ri jukub’ rech pa uwi paloq kumal ri Wokajil Ajchajil Amaq’il Iximulew, xuquje’ pa le uq’atexik kuwach ri e ajk’ayinelab’ awan kunb’al ri’”, xcha’ ti taqawokajnel ri’.