Xtaqixik ub’anik ri tzukunem pa le rachoch ri ajapache’ pa tinamit xuquje’ rumal ri ministro rech Gobernación, Francisco Jiménez, pa le 30 rech enero xb’an keb’ chi tzukunem pa le Nim Japache’ El Infiernito xuquje’ pa le Granja Penal Canadá, Escuintla, chi la’ k’ut xriq wi loq k’i taq ch’aweb’al rech eqam, ruk’ routers, chips xuquje’ ruk’ nik’aj chik jastaq.
Pa jun kemon chakunem kumal reqa’lenel ri uk’olib’al taq chajinem rech ri Wokajil Ajchajil Tinamit (PNC) xuquje’ kumal reqa’lenel ri Fuerza Élite rech ri Sistema Penitenciario (SP) ri’, rumal ri’ xb’antaj kowonem xriqitajik pa le sectores La Aceitera xuquje’ rech ri Adulto Mayor 49 chi ch’aweb’alil, 13 chi routers, k’o chips ruk’ taq yab’al uq’a’il ri ch’aweb’al xuquje’ k’aqb’alil, ruk’ nik’aj chik.
Eri awan jastaq ri’ are xriq pa taq ch’ich’ k’olib’al chi uxe ri ch’at, ri k’olib’al kow ja’, chi uxe’ taq che’, pa k’olib’alil xuquje’ pa uwi taq tem uk’u’x ja chi la.
Pa le tzukunem xetaqik e 800 chi ajchajinelab’ rech taq ri kawokajil chajinem rech ri Wokaj Ajchajil Tinamit (PNC) xuquje’ rumal ri Grupo Elite rech ri Sistema Penitenciario (SP), ruk’ taq tob’chakub’al rech rilob’al retal uwikaq’ab’ winaq ub’i’ (MI3) are la’ ri k’o nim upatan xub’ano pa le rilik kitzijol ri winaqil e tz’apilik.
Eri chajinem tzukunik ri’ are la’ jun nim uchakunik ri K’amal B’e Amaq’ Iximulew pa le uchakunik ri Ministerio rech Gobernación (Mingob), pa le kaq’atexik ri molaj b’anol k’ax xuquje’ rech ya’ik uchuq’ab’ ri chajinem winaqilal, ruk’ taq meb’il jastaq pa juntir tinamit.
Eri b’anoj tzukunem ri’ rech jun q’atenik xb’anik ri b’anon taq k’ax k’a pa le rachoch taq ri japache’.