Pa jun nim nimaq’ij nim retalib’alil, eri q’atb’al tzij xkib’an kina’texik ri pa taq ri plaquetas kojom pa le Galería rech Nimaq’ijol k’o pa le Rachoch ri K’amow Ub’e ri Wokajil Ajchaiin Tinamit Winaqil (PNC), pa le uq’ijil ri 29.º ujunab’ xutz’aqatisaj ri wokaj chajin tinamit ri’. Eri ulab’al tziji are xb’anik rech xina’texik kiq’ijil le e b’elejlajuj chi eqa’lenelab’ ri xekamik are chi’ ketajin pa chak chajinem, pa taq le k’isb’al kab’lajuj chi ik’ ri’, pa kina’texik k’o na’tib’alil xjach k’ut, rech xkiya kanima’ pa chak chajinem ri’.
Pa le ilob’anem ri’ xb’an jun utzijob’exik rech xna’texik ri kichak xkib’ano le e 17 chi achijab’ kuk’ ri keb’ chi ixoqib’ ri xena’texik, ri sib’alaj xb’an utzijob’exik che ronojel kanima’ b’a’ xek’oji pa le chajin winaqil e’aj iximulew ri’ xuquje’ ri retalil ri kichak xkib’an kanoq pa le wokajil chaijn tinamit.
le q’ijolil rech na’tib’al kech xb’anik chi uwach le Panteón Policial, k’o pa le Cementerio General rech ri zona 3 rech ri uk’u’x nimatinamit, chi’ k’u ri’ eri q’atb’al tzij xkib’an jun ucholajib’al kina’texik ri e’ajchajinel ri xekamik are chi’ e k’o pa chajinik. Ruk’ taq kotz’i’j xya’ik, xb’an jub’i’ maj ch’a’wem ruk’ taq ya’ik tzij rech xeq’ilaxik, rech xna’texik che ronojel kanima’ xkiya kib’ pa le chajinem winaqilal ri’.
Rumal ri’ le ministro rech Gobernación, Marco Antonio Villeda, sib’alaj xub’ij che ri chajib’al pa Iximulew are tajin kab’anik ruk’ tijowchuq’ab’ kumal ri achijab’ kuk’ ri ixoqib’ ri k’o kib’i’, k’o kitzijob’al k’o ri kachalil pa kachoch, ri xkiya kib’ pa kamikal xekamisaxik are chi’ xeriqitaj pa puqtzukunem chajinik xuquje’ pa le chak tajin kub’an ri Wokaj Ajchajin Tinamit ri’.
Pa taq le b’anowem ri’ xuquje’ xetatb’enik le viceministro Administrativo, Kelvin Aguilar Menéndez; le viceministra rech Tecnología rech ri Información, Karen Ortiz; le viceministro Antinarcótico, Víctor Hugo Cruz; le k’amal b’e rech ri PNC, David Custodio Boteo; le jun chik k’amal b’e ri’, Héctor Prera, kuk’ taq ri rajtaqanelab’ ri wokaj chajin tinamit.
Ruk’ taq ri chakunem ri’, eri Wokajil Ajchajin Tinamit sib’alaj xub’ij che ri chak patan ri’ are rech kena’texik ri eqa’lenel xekam b’i, xuquje’ rech kiya kiq’ijil rumal xkiya ronojel kanima’ pa le chak ri’, ri xub’an ri’ rech xkik’utu che xkixe’j ta kib’, ronojel kichuq’ab’ xek’oji pa le chak ri’ are tane’ jun nim k’utb’al chi ke taq ri k’ak’ taq winaqilal tajin kak’iyirik.