Eri viceministro rech ya’olchajinem, Carlos Enrique Franco, xub’ij che kab’an na ri’ ri chomanem, rech uq’atexik ri b’anoj k’ax ch’a’oj chi kuxo’l ri winaqil rech ri colonia Nimajuyú pa le zona 21 rech pa uk’u’x nimatinamit, rumal xkaj xkichap jun peraj juyub’ ri’.
Eri Franco xuya’ ub’ixik che pa amaq’el kab’an ri komon chomanem ruk’ le Nimaq’atb’altzij rech ri Ya’talil Winaqil rech ri Alcadía Auxiliar rech ri Q’atb’altzij rech Iximulew, rech kakoj ri komon chomanem pa joremal rech uq’atexik b’anoj k’ax ri’.
«Eri kaqamol qib’ chi’, rech chomatal qumal kojchajin pa tinamit ri’, rech uq’atexik ri ch’a’ojinem chi kuwach ri molaj winaq, rumal ri’ eri e ajchajil tinamit pa amaq’el kojchajin chi’ rech maj jun kub’an tane’ b’anoj k’ax ch’a’ojinik ri’” xcha’.
Chi’ xetaq wi e 300 chi reqe’lenel ri Wokajil Ajchajil Tinamit (PNC), rech q’atenik ri ch’a’ojinik chi kuwach keb’ ri molaj winaq ri’, eri molaj chi ke are wokom kumal ri winaqil rech ri colonia ri’ xuquje’ eri jun chik wokom kumal ri winaqil rech ri asentamientos Bellos Horizontes, Nuevo Amanecer xuquje’ Loma Blanca ri’.