Xb’an ri Nab’e Riqob’al ib’ kuk’ ri Gobernadores rumal le Ministerio rech Gobernación, are jun ya’talil k’o uchuq’ab’ rech kachomaxik kemon taq chakunem ri’ rech ya’ik uchuq’ab’ taqawokajil, rech le b’anik k’ak’ taqanik pa tinamit, rech kab’an uchomaxik pa uq’ijil xuquje’ rech kaya’ uchuq’ab’ ri chajinem pa jujun taq tinamit.
Le taqawokajnel rech Chajib’al Amaq’, Marco Antonio Villeda, ri xub’an ri nab’e riqob’al ib’ ri’, sib’alaj xub’ij che kipatanil ri ajtaqawokajnel taq tinamit are k’o nim upatan, are chi’ b’enaq pa ub’i’ le K’amal B’e Wokom Amaq’ Iximulew pa rulewal taq tinamit xuquje’ rech katob’anik pa le kachajixik ri winaqilal pa tinamit.
Xuquje’ sib’alaj xub’ij chi k’o nim upatan uchuq’ab’ rech kaya kichakub’alil ri ajtaqawokajnel taq tinamit rech k’o utz kachakub’al rech kakikoj pa le k’ak’ chak taqanem xuquje’ rech kakib’an utz chech ri kichakunik.
Pa le riqob’al ib’ ri’ xk’oji le viceministro rech Seguridad, Estuardo Solórzano; le viceministro Administrativo, Felipe Sánchez; le viceministra rech Prevención rech ri Violencia xuquje’ ri Delito ri’, Mayda De León; le viceministra rech Tecnología rech ri Información xuquje’ rech Comunicaciones, Karen Ortiz; xuquje’ le viceministro rech Antinarcóticos, Víctor Cruz Reynoso ri’.
Xuquje’ are jun xk’oji le k’amal b’e rech ri Wokajil Ajchajin Tinamit (PNC), David Custodio Boteo; le k’amal b’e ri’, Héctor Prera; le patanelab’ rech Wokom Amaq’ xuquje’ le ajtaqawokajnel taq tinamit ri’.
Le riqon ib’ are xb’an pa 27 rech abril pa le Salón Mayor rech ri Taqawokajnem rech ri Ajchajin Amaq’, are uwach b’anow taq nimachak rech ya’ik uchuq’ab’ ri kemonchak pa taqawokajilal xuquje’ rech kab’anik jun utzilal chakunik pa taq le tinamit.