Pa kaq’atexik ri nik’aj e’ajkamisal winaq xuquje’ e’ajk’ayin awan kunb’alil, eri reqa’lenel ri jachakub’al rech taq ri departamentos rech ri Subdirección General rech Investigación Criminal (SGIC) ri’ rech ri Wokajil Ajchajil Tinamit (PNC) xuquje’ rumal ri Ministerio Público (MP), xkichap loq e b’elejeb’ chi winaqil ri’, e wuqub’ e tz’apilik xb’itaj chi ke che e are jun pa b’anoj k’ax ri’ xuquje’ k’o jun xchapataj b’i, konojel ri’ e uwinaqil “Ri Mazatecos” ri’.
Are wa’ pa le b’anoj uchomaxik ri ya’olchajinem rumal ri K’amal b’e Amaq’ Alejandro Giammatei xuquje’ rumal ri Ministro rech Gobernación ri’, David Napoleón Barrientos. Eri kichak e’ajchajil tinamit ri’ are la’ xkib’an 31 chi b’anoj tzukunem ya’olchchajinik pa taq ri rulewal ri iximulew ri’, pa San Marcos, pa Xe’laju’, pa Succhitepéquez xuquje’ pa Escuintla ri’.
Eri nik’aj xechapatajik ri’ kab’ixik e are xkichomaj xkib’an ri k’aqanik chi ke ri e’ajk’ayinelab’, rumal ri’ xechapataj ri’: a Rubén Florido López Gramajo alias “Negro”, a Jorge Mario Quiroa González, a Jimmy Josué Pérez Pia, a Luis Alfonso Paredes Espinal alias “Catracho”, jun ixoq ub’i’ Tania Patricia Hernández Mendoza, a Edgar Emigdio Barreda García, a José Boronat Monterroso, a Gerber Gudelio Enríquez García, a Ludwin Geovanni Beltrán Pacheco xuquje’ a Mynor Rafael López Azañon ri’, xuquje’ a Manuel de Jesús Celda Alvarado ri’, a Ottoniel de Jesús Pineda Sicán ri’, a Junior David Puche Solano de nacionalidad colombiana, Ángela Estela Menjivar Guardado, Mario Alejandro García Schauffler, Yoni Garza Ventura ri’, a Jorge Alberto Lepe Matías ri’, a Mayer Alejandro Arriola Álvarez ri’, jun ixoq ub’i’ María Clementina Del Milagro Hernández xuquje’ a Oswaldo Ottoniel Lara Rodríguez ri’.
Xriqitaj ri’: waqib’ chi k’aqb’alil, oxlajuj chi ub’aq’ k’aqb’alil 9 milímetros, oxib’ bilob’al ub’aq’ k’aqb’al, 35 chi pajb’alil rech marihuana ri’, kajib’ chi k’olib’al ub’aq’ k’aqb’alil, ruk’ Q. 16, 900.00 chi pwaqil b’otolik xriqitaj ri’, oxlajuj chi ch’a’wib’alil xuquje’ wuqlajuj chi uware k’olib’al ruk’ cocaína ri’, jun ch’ich’ P-144GQX ri’.
Eri tzukuni chi rij ri’ are la’ sib’alaj katajin na ri’.