Pa le 4a Avenida xuquje’ 2a calle, zona 1, Canton Elena, Mataquescuintla, Jalapa, eri reqa’lenel ri División Especializada rech Investigación Criminal (DEIC), rech ri Delitos Contra La Vida ri’ rech ri Wokajil Ajchajil Tinamit (PNC), k’o k’i taq tzukunik xkib’an ri’ rech xkichap loq nik’aj e ajkamisal rech ri jun ixoq 24 ujunab’ chi k’aqb’alil.
Ruk wa’ jun tzijol ri’ kutun rib’ ri’ jun chik ixoq kamisam ri’. Rumal k’u ri’ eri reqa’lenel ajchajil tinamit k’o jun solinem xkib’an ri’ pa le Sector Calvario, rech pa rulewal tinamit ri’ chi’ k’u ri’ xkiriq wi loq nik’aj e kamisanel, e are wari’: a Ferdin Josué Lemux Rosales 22 ujunab’, a Kennet Eduardo Alquijay Fernandez 19 ujunab’, ri Delmer José Valeriano Aju Cholotio 21 ujunab’ xuquje’ keb’ ixoqib’ ri xek’am b’i pa q’atb’altzij kech ak’alab’, kab’ixik eri b’anoj k’ax kib’anom are kamisan ixoqib’ ri’.
Eri nik’aj b’anol k’ax xechap ri’ xek’am b’i pa q’atb’altzij ri’ ruk’ ri 12 chi ch’a’wib’alil xriqitaj kuk’ are wa’ jastaq q’alajisab’al ri k’ax kib’anom ri’, ruk’ keb’ chi k’aqb’al xuquje’ ruk’ ub’aq’ k’aqb’alil ri’, 60 ub’aq’ k’aqb’al rech 45 ri’, ruk’ atz’iyaq k’o kik’ chi rij ri’.
Pa jun chik ja k’olib’al xtzukux ri’ chi’ xchapataj wi loq a Jorge Leonel Rosales Pérez 23 ujunab’ rumal k’o marihuana ruk’ ri’.
Are wa’ xb’anik ri xutaq loq upatanik ri Q’atol tzij rech pa rulewal tinamit ri’ xuquje’ rech rulewal tinamit rech Jalapa ri’.