Xb’antaj kowinem xechapataj nik’aj b’anol k’ax kib’i’ “Los Montañeros” ri’

Pa uterenb’exik ri tzukunem chi kij winaq e k’amom b’i kumal b’anol k’ax, ri xk’ulmataj pa le junab’ 2019 pa tinamit rech Santa Eulalia, Nab’ajul, chi’ k’u ri’ e k’o kajib’ chi winaq ri’ xb’an k’ax chi ke, we kamik eri reqa’lenel ri Comando Antisecuestros, ri División Especializada rech Investigación Criminal rech ri Wokajil Ajchajil Tinamit xuquje’ ri Ministerio Público, k’o jo’ob’ chi tzukunem xb’antaj ri’ ri xechapataj wi loq e kajib’ chi winaqil rumal xkeleq’aj b’i winaq.

Xub’ij ri’ eri winaq b’anom k’ax chi ke e ajb’nisaxel pa taq le kejch’ich’ (mototaxis), chi’ k’u ri’ eri ajb’inisal kejch’ich’ ri’ kuk’ nik’aj chik rachib’il kakeleq’aj b’i ri winaq ri’, rech kakik’am b’i pa taq che’ xuquje’ k’ache’laj panoq.

Rumal ri’ eri xechapataj loq e are ri’: jun achi ub’i’ Tomás Pablo Francisco 33 ujunab’, uq’ab’em ub’i’ “Tomas o Masho” ri’, jun chik ub’i’ Mateo Timoteo Antonio Miguel 26 ujunab’, uq’ab’em ub’i’  “Choni” ri’, ruk’ jun ixoq ub’i’ Abelina Juan Diego 26 ujunab’ xuquje’ jun chik Mateo Marcos Francisco 30 ujunab’, kab’ixik rumal eleq’an winaq ri’ xuquje’ rumal choman b’anoj k’ax ri’.

Alerta de Corrupción

Ultimas noticias