Eri chakunem tajin kumal ri reqa’lenel ri comisarías xuquje’ kumal ri unidades Especializadas rech ri Wokajil Ajchajil Tinamit (PNC) pa le k’isb’al oxib’ q’ij ok’owinaq ri’, xb’antaj nimakowonem xejam ri nimab’e rech kub’al k’u’x keq’ax ri winaqib’ pa rulewal tinamit ri’ che ri q’atim kumal ri winaq k’o ri kakich’ojij. Are la’ k’o nim upatanib’al rech kanimax uwach pa juntir ri toq’ob’ utzilem chi ke ri winaqilal ri’, rumal are la’ rajwaxik chi ke rech maj jun keq’atexik are chi’ keq’axik.
Jun chi ke ri nimab’e xjamataj ri’ are ri k’o pa le 29 calle xuquje’ calzada Raúl Aguilar Batres, zona 12 ri’ rech uk’u’x nimatinamit, chi la’ k’ut tz’apital wi ri nimab’e kab’e ri nimab’e kapetik. Xuquje’ pa le 41 calle xuquje’ avenida Bolívar, pa le zona 18 rech ri Nimatinamit rech Iximulew, are la’ xjamataj uwach ri’ rech keq’ax ri winaqib’ chi la’ pa le wokja.
Xuquje’ xb’antaj kowonm xjam uwach ri nimab’e pa le kilómetros 14, 16 xuquje’ 19 rech le ruta CA 1 oriente, kab’e El Salvador, jeri’ ri nimab’e Interamericana pa le kilómetros 28, San Lucas Sacatepéquez, xuquje’ 34.5, Santa María Cauqué, Sacatepéquez ri’. Eri kiq’axnik ri ch’ich’ pa le kilómetro 101, rech ri nab’e kab’e pa Puerto Quetzal, Escuintla, xjamataj uwach ri’.
Pa nik’aj chik nimab’e xb’antaj kowonem xjamataj ri’ jeri’ pa le kilómetro 290 rech ri nimab’e kab’e pa Atlántico, pa Puerto Barrios, Izabal; pa le kilómetro 116 rech ri juyub’al rech Chiquimula xuquje’ pa le kilómetro 65.5 pa le Nimab’e Ruta CA-1 pa El Boquerón, Cuilapa, Santa Rosa, ruk’ nik’aj chik ri’.
Are wa’ rech pa utzilem ke’ok’ow ri winaqib’ pa taq nimab’e ri’, rech kopan b’a ri jastaq rajwaxik chi ke, rech b’a k’o pa ucholajil chajinem tob’anik chi ke ri winaqilal pa konojelil.