Eri Subdirección General rech Investigación Criminal (SGIC), rech ri Wokajil Ajchajil Tinamit (PNC), ruk’ ri utob’anik ri Ministerio Público (MP) paq’ij 28 rech diciembre xkib’an k’i taq tzukunem solinik ri’ xuquje’ rech xkimol b’i ri jastaq rech q’alajisab’al xkiriq pa taq ja k’olib’al pa Xe’laju’, pa Escuintla, pa Santa Rosa, pa Izabal xuquje’ pa Iximulew ri’.
Eri b’iw b’ixik kumal ajchajil tinamit rech xkib’ij che ri puqchajinem tzukunik xb’antaj ri’ rech yab’al uchuq’ab’ ri tzukno’jchak tajin chi rij uq’atexik ri pornografía infantil, ri b’anoj k’ax chi ke ixoqib’, ri b’anoj taq elq’ xuquje’ ri ciberestafas ri’. Xuquje’ rech xtaqixik kichapik ri winaqil kib’anom ri k’ax ri’.
Pa nab’ejsab’al b’ixik ri’, eri reqa’lenel ri División Especializada rech Investigación Criminal (DEIC) xkiya ub’ixik che xriqitaj k’i taq uware k’olib’al ruk’ awan kunb’al pa jun nimaja k’o pa le zona 7 rech Coatepeque, pa Xe’laju’ ri’.
Eri q’atb’al tzij xkib’ij che ri winaqilal xkib’an jun b’iw b’ixik chi ke ri winaqil rech chakib’ij b’a’ utzijol ri’ pa le 110 kuk’ e ajchajil tinamit, pa le 1574 pa antiextorsiones ri’, pa le 1577 pa antinarcótica xuquje’ pa le 1561 rech Crime Stopper. Rumal ri’ k’o nimalaj tzukunem tajin chi rij wari’.