Eri Ministro rech Gobernación, Byron Re né Bor Illescas, pawe q’ij kimik xopan pa le Dirección General rech Servicios rech Seguridad Privada (Digessp), rech xutaqij rilik ri chajinem tajin kumal ri wokajilal ri’ rech k’o pa le ucholal usaqilal ub’anik kumal ri wokajilal che ri kechajin chi ke winaqib’ pa Iximulew.
Eri Taqawokajnel rech ri Ya’olchajinem pa Amaq’ ri’ rachb’ilam ri K’amal B’e rech ri Digessp, William Stuardo Hernández, xuquje’ ri Subdirector, Estuardo Fernández Pelaez. Pa le solinem xub’an ri’ are xurilo we tzij utz ri chajinem tajin kumal ri e ajchajinelab’ chi ke ri winaqilal.
Eri cholchak chajinem ri’ are kuq’alajisaj ri chakunem tajin rumal ri K’amal B’e Iximulew ri’ pa le reqele’n uchak ri Ministerio rech Gobernación (Mingob), rech kub’al ub’anik ri chak chajinem kumal ri k’amoj ub’e taq uq’ab’i ri taqawokajilal ri’, rumal are rajwaxik kakinimaj ri taqanik taqom unimaxik, we k’o ri kiwujilal xuquje’ we tzij ketajin che ri ya’olchajinem pa qatinamit.