Eri xb’antaj kowonem pa le jun kemon puqtzukunem kumal ri tzukunelab’ ri Sección Contra Homicidios rech ri División Especializada rech Investigación Criminal (DEIC) rech ri Wokajil Ajchajin Tinamit kuk’ ri q’atol tzij rech ri Ministerio Público (MP), iwir k’ut k’o 14 chi tzukunem xkib’an pa le rulewal ri tinamit Iximulew, ri Escuintla xuquje’ pa Zacapa, rumal ri’ xb’antaj kowonem xchap loq jun uwinaq ri jun molaj b’anol k’ax ri’ ri xkib’an ri k’aqanem pa mayo rech 2025 pa Santa Catarina Pinula.
Pa taq le puqtzukunem ri’ xchap wi loq jun achi ub’i’ a Kevin “N”, 30 ujunab’, pa residenciales Las Lilas Flor del Campo, pa le kilómetro 32 rech ri nimab’e kab’e pa Pacífico, Amatitlán. Eri xchapatajik are xk’am b’i pa jun q’atb’al tzij rech pa nimatinamit Iximulew rumal b’anow kamisan winaq xraj xub’an ri’.
Rumal k’ut xb’antaj ri puqtzukunem ri’, eri q’atb’al tzij xkiriq loq 13 chi k’aqb’al q’aq’ ri jalajoj uwach kakojik, k’o oxib’ chi ke, ruk’ lajuj chi alaj k’aqb’al q’aq’; xuquje’ ruk’ 716 chi ub’aq’ k’aqb’alil, ruk’ 36 chi tolws rech k’aqb’al q’aq’, ruk’ oxib’ chi ch’aweb’alil, ruk’ Q50 mil 925 chi pwaqil b’otolik xuquje’ kajib’ b’insal ch’ich’, ri are la’ xk’am b’i kumal ri q’atb’al tzij ech xkiterne’x uq’alisaxik uwach ri’.
Nim xq’atexik ri jun molaj b’anol k’ax
Eri puqtzukunem xb’antajik, k’o jun nim kaq’atexik ri jun molaj b’anol k’ax ri xkib’an jun nim k’aqanik pa le 26 rech mayo rech 2025 pa le kilómetro 16.5 rech Santa Catarina Pinula. Pa le k’aqanem ri’, e k’o k’ilaj chi winaq keqam k’aqb’al q’aq’ chi ke le winaqil e b’enaq pa jun ch’ich’ picop ri’ eri nik’aj k’aqanel xekanimaj chi la’ k’ut. Pa le k’aqanik ri’, e k’o oxib’ chi winaq sib’alaj xesakatajik.
Eri katzukuxik ri’ are xb’antaj kumal ri DEIC kuk’ ri MP ri xkib’an kiq’alijsaxik. Pa nab’e ri’, pa le 20 rech enero xchapataj ri al Brenda “N”, 45 ujunab’, pa le kilómetro 82.8 rech le Ruta Nacional 14, pa okib’al pa San Juan Alotenango, Sacatepéquez, are chi’ keqam b’i Q345,700 chi pwaqil rajil ri k’ayin awan jastaq kunb’al ri’.
Jeri’ pa le keb’ q’ij rech abril xchap loq a Mario “N”, 38 ujunab’, pa le aldea Barrita Vieja, Puerto de San José, Escuintla, ri xuquje’ kab’ixik are jun pa le jun molaj b’anol k’ax ri’-
Eri q’atb’al tzj xkib’ij eri tzukno’jchak chi kij are katerne’x na ub’anik ri’ rech kach’ob’ kuwach nik’aj uwinaqilal ri jun molaj b’anol k’ax ri’, rech b’a’ kaya uchuq’ab’ ri q’atow tzij rech kaq’atexik taq ri k’ax ri’.