Rumal xek’oji ri ajchajil tinamit ri’ xriqitaj k’ilaj taq nima’q k’aqb’alil, k’aqb’al ruk’ jun rijxa’ to’b’al k’aslemal pa le zona 6 rech ri nimatinamit.
Rumal pa aninaqil tob’anik xkib’an ri rajchajinelab’ ri Comisaría 12 rech ri Taqawokaj Ajchajil Tinamit (PNC) xb’an kowonem xchap jun kamisanel rech ri Mara Salvatrucha (MS), ri ub’i’ a Macario “N”, 25 ujunab’, pa le 5ª calle xuquje’ 19ª avenida, calzada José Milla y Vidaurre, zona 6 rech nimatinamit Iximulew.
Aretaq xuriklo che e k’o rajchajil tinamit, ri jun ajb’anol k’ax ri’ xumaj kik’aqik ri ajchajil tinamit, che ri pa aninaqil xkib’an ri uq’atexik pa le k’aqanik, xb’antaj kowonem xchap loq. Eri jun pandillero kamisanel ri’ xtaqirix che k’aqb’al, rumal ri’ xk’am b’i pa le Nimaja Rachoch B’anon Kunaem San Juan de dios, chi la’ k’ut sib’alaj chajitalik kumal ri PNC.
RI taqawokaj ajchajil tinamit xkiriq k’ut keb’ nima’q raqan chi k’aqb’alil, keb’ k’aqb’al q’aq’ ruk’ jun rijxa’ tob’ab’al ib’ xriqitaj chi la’. Xuqje’ xchap ri a Leonel “N”, 32 ujunab’, ri xchap loq rumal xraj xuq’atij kiwach ri ajchajil tinamit ri’, rumal ri’ tajin le rilik uq’alajisaxik we k’o are jun pa le b’anow k’ax ri’.
Eri a Jorge Aguilar Chinchilla, rajtzijonel ri PNC, xub’ij che jun chi ke ri k’aqb’al josotal ri rajilab’al chi rij, ri kub’ij k’ut che eleq’am b’ik. Xuquje’ xub’ij che xk’am b’i jun ch’aweb’al rech eqam ri’ pa le ke’ilitaj wi k’ilaj taq tzij tz’ib’am kumal ri nik’aj pandilleros rech salvatruchas.
“Nim b’anik uya’ik uq’ij ri utzilaj k’aslemal kichak ri rajchajinelab’ ri Taqawokaj Ajchajil Tinamit, ri kakiq’atij nik’aj ajb’anol k’ax ri’, ri k’ilaj taq mul e chapom chik”, sib’alaj xcha’ a Aquilar Chinchilla.
Ri xk’ulmatajik
Eri PNC xub’ij che nik’aj ajb’anol k’ax che ri e b’enaq pa jun ch’ich’ e’are xkimaj uk’aqil ri run ch’ich’ ruk’ ri placas ri’ P 778GFR, chi la’ k’ut xkik’aq wi jun winaq ri xkitaqij che k’aqb’al q’aq’ ri kab’ixik eri umak ub’anom are releq’axik winaq, pa 2020. Rumal ri’ sib’alaj chajitalik xk’am b’i pa jun nimaja rech rachoch kunanik winaq.
Eri b’anow k’ax ri’ are xb’an kumal ri molaj banol k’ax rech ri pandillas rech ri Barrio 18 xuquje’ ri Mara Salvatrucha. Eri tzukunik chi kij are kab’an na rech kaq’alisax kiwach nik’aj b’anol k’ax che ri xkib’an ri k’aqanik ri’, chi la’ k’ut k’o ajchajinel k’o ajchoq’e xtaqixik pa le k’aqanik ri’.
“Man ksach taq uwach che we nik’aj b’anol k’ax ri’ e’are kxib’an ri jun k’aqanik pa taq ri wuqq’ij q’axenaq kanoq are chi’ e k’o kajib’ chi winaqil xekamisaxik”, xcha’ ri a Aguilar Chinchilla.