K’a pa le Mingob kakub’isax ub’ixik kakichajij kib’ konojel ri winaqil pa tinamit ruk’ katob’anik ri Taqawokaj Ajchajil Tiinamit (PNC), pa kaya uchuq’ab’il rech keto’ik utzijol chi ke ri winaq ri k’o k’ax chi ke.
Ruk’ ri utaqixik rech kakikub’isaj ub’ixik kachajixik kib’ rech k’ot ri k’ax kakiriqo konojel ri winaqilal, ri Taqawokaj Ajchajil Tinamit (PNC), pa uchakunik ri Departamento rech Multiculturalidad rech ri Subdirección General rech Prevención rech Delito (SGPD), are jun xtob’ik pa le Uro’ Nimaq’ij pa Retal Ch’ab’alil ruk’ Q’ab’aj, chi la’ k’ut xya’ wi ub’ixik ri chajinem rech q’ateb’al k’ax ri’ xya’ wi ub’ixik chi ke ri winaqilal rech kakib’an ta uch’ob’ik ri k’ax ri’ are la’ kaya utzijoxik chi ke ri winaq che ri retal uwikaq’ab’ kakisolib’isaj are chi’ k’o ri kakaj kakib’ij loq.
Ri b’anom chak ri’, are b’anom rumal ri CONADI (Consejo Nacional rech ri Atención rech ri Winaqib’ ri maj kech’awik, ri xb’antaj pa le Plaza El Obelisco xuquje’ xkimol kib’ jalajoj taq winaq rech ri tinamit pa jun q’ij rech ukowirisaxik ri kito’ik konojel, unojisaxik uq’ij ri jalajojilal b’antajil xuquje’ ri reta’maxik tzij ri k’o upatan.
Pa le nïmaq’ij, ri rajchakib’ ri SGPD xkijacho ri wujil rech reta’maxik xuquje’ ri chajinem rech uq’atexik ri tzij k’o chi upam chi rij uchajixik kib’ ri winaq rech man k’o ta itzelal, rech k’o ri jikomal xuquje’ ri jamalil k’aslemal pa k’iyal. Ri utob’anik ri PNC xuya ri q’ij rech kaya uchuq’ab’ ri qab’inem chi kixo’l ri winaq xuquje’ kuya pa nim reta’maxik tzij rech chajinem ib’, rumal k’ut che are la’ keto’ik ri winaq ri man kakito ta ch’ab’al.
Eri b’anob’al are uwach ri kichakunik rech q’ateb’al ri kumal ri PNC rech kuya uchuq’ab’ ri qab’inik kuk’ ri winaqilal xuquje’ rech kanimarisax uach taq ri k’olib’al rech ya’ltzijol rech qateb’al ri k’ax, pa taq ri b’anow tob’anik rech kayak uwach jun no’jk’aslemal b’anow chajinem, rech chajin ib’ xuquje’ ri riqoj ib’ pa jikomal, rech kato’ik uwach ri k’iyal uwach kib’antajil ri winaqilal e’aj iximulew ri’.