Eri winaqil rech ri barrio San Sebastián Esquipulas, Chiquimula, xchapo xuquje’ xkijach pa uq’ab’ ri Wokajil Ajchajil Tinamit (PNC), jun achi che ri xraj xreleq’aj b’i jun ala ali k’a te jo’ob’ ujunab’ chi la’ k’ut.
Eri jun b’anol k’ax xch’ob’otaj uwach are ri’ a Regelio Lonos 54 ujunab’ xuquje’ are wa’ xya’taj utzijol ri’, eri jun b’anoj k’ax ri’ xk’umatajik aretaq eri alaj ali xel b’i pa nimab’e ri’, chi’ k’u ri’ ri jun b’anol k’ax ri’ xraj xreleq’aj b’i, eri rachalal aretaq xkilo che kak’am b’i rumal jun ajb’anol k’ax ri’ xkiq’atij xkichap loq.
Rumal ri’ eri jun b’anol k’ax ri’ xraj xrajin rib’, rumal ri’ xoqatax kumal ri winaqil chi la’, pa aninaqil k’ut xkisik’ij panoq ri PNC, rumal ri’ xb’antaj kowinem xchapataj jun ajb’anol k’ax ri’.