Xchapataj jun achi xk’aqan pa uwo kaj ri sib’alaj xq’alajin pa taq le uwachwuj

 

Eri tzukunelab’ rech ri División rech Información Policial rech ri Wokajil Ajchajil Tinamit, pa uterenb’exik jun b’anoj tzukunik chi rij ri jun b’anol k’ax ri’ aretaq xq’alajin pa taq le uwachwuj chi’ k’u ri’ xq’alajinik sib’alaj katajin che b’anoj k’aqanik cha uwo kaj, pa le q’ij rech ri k’ak’ junab’, we kamik are ri’ xchapataj loq.

Rumal ri’ xb’antaj kowinem xchapataj loq jun achi ub’i’ Jorge Luis Osorio Reyes 30 ujunab’, ri xraqataj loq pa le 10 avenida xuquje’ 14 calle rech ri zona 17, are jun achi ri’ kab’ixik ri xq’alajinik pa jun video che ri sib’alaj xk’ut pa taq le uwachwuj ri’, pa le nab’e q’ij rech enero rech 2020, chi’ k’u ri’ xq’alajin jun achi ri’ sib’alaj xk’aqan pa uwo kaj maj pa usaqil ri’.

Rumal ri’ kab’ixik eri jun achi ri’ taqom uchapik loq, pa le keb’ q’ij rech enero 2,020, aretaq xtaq uchapik loq rumal q’atb’altzij.

Rumal ri’ we kamik eri tzukunel rech ri Subdirección General rech Investigación Criminal pa komonb’al ruk’ ri Ministerio Público k’o jun b’anoj tzukunik xb’an pa residenciales Villas rech Manolo pa Chiquimula, aretaq xopan utzukuxik pa rachoch ri’, chi’ k’u ri’ xraqataj wi loq jun k’aqb’al calibre 9mm, ruk’ oxib’ b’ilob’al rech, xuquje’ 49 ub’aq’ k’aqb’alil, xuquje’ chi uwach ri ja k’olib’al ri’ xraqataj wi loq jun ub’aq’ ri k’aqb’alil maja’ kakojik, are wa’ xpisik rumal ri MP rech q’alajisab’al jun b’anoj k’ax ri’.

Alerta de Corrupción

Ultimas noticias