Xchapataj jun achi xukamisaj jun ajb’inisal ch’ich’

Are k’ut xtaqixik uriqik jun kamisanel che ri xukamisaj jun achi ajb’inisal jun microbús rech rutas cortas ub’i’ kab’ixik “Cayala”, pa le bulevar Landívar zona 16 ri’, rumal ri’ we kamik eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa komonchak kuk’ ri Q’atol tzijr ech ri Ministerio Público k’o k’i taq b’anoj tzukunem xkib’an rech xkiriq k’ut e kajib’ chi winaqil xkib’an ri k’ax ri’.

Pa le b’anoj ri k’i taq kitzukuxik ri’ xb’antaj kowinem xeriqitaj ri’ ri nik’aj xeb’anoj ri kamisanik, kumal e oxib’ jupuq chi e ajb’anol k’ax, eri nab’e chi ke e are kumal ri jun Clica Crazy Ganster rech ri Barrio 18 , eri jupuq chik kumal ri jun Clica SR rech ri Barrio 18, eri urox jupuq chik kumal nik’aj xa’ kikojom kib’ che e ajb’anol k’ax, aretaq xb’antaj ri kamisanik kumal, k’i taq mul xech’a’w panoq chi ke e ajchoq’e ch’ich’ ri’ xuquje’ chi ke nik’aj chik e ajchoq’e ch’ich’ kakeqaj b’i winaq ri’, xkib’ij panoq chi ke e are xeb’anoj rech ri kamisanik ri’, rech xkitoq’ij panoq rech ketojon pa kiq’ab’ ri’ we man ketojon ta ri’ chi ke kakikamisaj ri’ ri e ajb’inisal taq ch’ich’ pa taq ri nimab’e ri’.

E are wari’ winaq xechapataj loq: a : Juan José González Aroche, 35 ujunab’, al Doris Paola Ojeda Valenzuela, 28 ujunab’, a Héctor Adolfo Vides Mondragón 52 ujunab’, al Dora Patricia Hernández Avalos, 35 ujunab’, al Ruth Elizabeth Gómez Camey,  a Víctor Hugo Gámez González, 33 ujunab’, alias «le Snayper» (Homi uwinaq ri’ jun clica Crazy Ganster rech ri Barrio 18), kab’ixik e nik’aj winaq ri’ e are xkichomaj ri b’anoj k’ax ri’ xuquje’ ri tajin xkitoq’ij pwaq chi ke e ajb’inisal ch’ich’ ri’.

We kamik e nik’aj winaq e chapom chik xek’am b’i pa q’atb’altzij chi rij ri k’ax xkib’ano.

Alerta de Corrupción

Ultimas noticias