Pa jun puqchajinem tzukunik xb’antaj kumal e ajchajil tinamit pa le kilómetro 70.5 ruta Interamericana, pa juyub’al rech Patzicía, Chimaltenango ri’, eri reqa’lenel ri Wokajil Ajchajil Tinamit (PNC), xkichap loq jun winaq coyote ri reqam b’i pa jun nimach’ich’ e 33 winaq e ajq’axel pa we Amaq’ ri’.
Eri utzijol xkiya ri ajchajil tinamit xkib’ij k’ut che ri are ri’ jun achi ub’i’ Noé Servando Ramos Gonzalez, 41 ujunab’ ri kab’ixik xk’am b’i pa q’atb’al tzij ri’, rech kachomax chi rij ri umak ri’.
Eri winaqil ri’ e petinaq loq pa Venezuela xuquje’ Cuba ri sib’alaj xeto’ ri’, rech te k’u ri’ xek’am b’i pa rachoch ri jachakub’al rech ri Instituto Guatemalteco rech Migración (IGM), rech kilik ketaq b’i pa qatinamit.
Eri Wokom Taqawokaj rech Iximulew xuquje’ ri Ministerio rech Gobernación (Mingob) ri’ ketajin che kaq’atexik ri winaqil naj kapetib’al e ajq’axel b’i pa we Amaq’ rech maj jun b’a’ kub’an tane’ ch’ijom k’ax chi ke ri’.