K’o jun b’anol k’ax uwinaqil ri Barrio 18 xchapataj loq kumal ri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xuquje’ rumal ri Ministerio Público (MP), pa jun b’anoj tzukunik kumal pa le colonia Valle rech ri Encino, zona 18 pa nimatinamit ri’.
Eri ajchajil tinamit xkib’ij che ri are ri a William Rodolfo Cárcamo González, 26 ujunab’ ri’, kab’ixik k’o umak ub’anik ri’ ub’anom k’ax xuquje’ rumal reqam awan kunb’al rech kutijo pa we junab’ ri’.
Pa le tzukunem ri’ xriqitajik jun k’aqb’alil, jun chik k’aqb’al, maj uwujilal ri’, xuquje’ ruk’ keb’ chi ch’aweb’al ri’. Eri jastaq maj pa usaqil ri’ are xk’am b’i rumal ri q’atb’al tzij rech katzukux uwach ri’, xecha’ ri PNC.
Eri q’atb’al tzij xkib’ij eri tzukunem ri’ are xb’anik rech xterne’xik ukamikal jun ixoq 45 ujunab’ ri’, k’amal b’e rech ri Cocode, ri xkam ri’ pa le colonia Santa Faz, rech ri zona xb’itaj ri’ rech pa nimatinamit.
Rumal ri’, xchapatajik jun rachi’l katajin che b’anoj k’ax ri’ xuquje’ k’o jun ch’ich’ xriqitaj ruk’, chi upam k’ut kab’in wi rech kub’an ri k’ax ri’.