Paq’ij 25 rech mayo, eri reqa’lenel ri Departamento rech Ajq’atenel ri Delincuencia Organizada xuquje’ ri Sección contra Delitos xuquje’ Entidades Financiera, rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa kato’ik ri Ministerio Público (MP), xkichap jun molaj elaq’omab’ kib’i’ Los Gauchos, che ri xkeleq’aj ri cajeros automáticos xuquje’ ri elaq’ pa taq k’ayib’alil.
Eri q’atb’al Tzij xkib’ij che ri jun molaj b’anol k’ax elaq’omab’ ri’ k’o jun Q1 millón 170 mil chi pwaqil xkeleq’aj pa ronojel ri’.
Pa le tzukunem xkib’an ri tzukunelab’ xkichap loq jun achi ub’i’ a Ricardo Víctor Atensio, a Edgar Arturo Lara González, al Romina Beatriz Atensio Mejicanos, a Julio Ariel Guzmán Gómez xuquje’ al María Alejandra García Melgar ri’.
Eri q’atb’al Tzij rech ajchajil tinamti xkib’ij che ri jun molaj chi elaq’omab’ ri’ k’a pa le 2021 ri’ xkeleq’aj ri cajeros automáticos xuquje’ pa taq ri agencias bancarias ri’.
Eri ub’anik ri k’ax kumal
Eri tzukunelab’, xkib’ij eri nik’aj elaq’omab’ ri’ nab’e xkib’an rilik ri k’olib’alil che xkib’an wi elaq’ ri’, rech te k’u ri’ xkilo rokib’al ri’ releb’al ri’ rech maj jun kakowon ke’oqataj tane’ ri’, jeri’ xkilo uwi taq ri ja xuquje’ xkilo jawchi’ kakiwor wi ri nimaja e k’o pa uxuk’ut ri xkib’an wi ri k’ax.
Jeri’ xkikoj tob’chakub’alil (q’ateb’al uqul uchi’ ri alarmas ri’), wujilal rech k’utub’al ukojik chakub’alil xuquje’ ri rech k’amq’aq’nil (ri b’ijib’alil, josob’al xuquje’ qupib’al, ruk’ nik’aj chik), rech are xkikoj che uworik uxanil ri nimaja che ri xe’ok wi che b’anoj k’ax.
Ri katuzkuxik xb’an ri’
Eri katzukuxik are xb’an pa Mixco xuquje’ pa San José Pinula, iximulew. Xuquje’ pa taq ri zonas 1 xuquje’ 5 rech ri uk’u’x nimatinamit.
Eri nik’aj b’anol winaq xechap ri’ kab’ixik e are xkib’an ri k’ax maj pa usaqil, xkichomaj xkib’an ri elaq’ ri’, ri k’ax elaq’ ri’ xuquje’ xkiwajo kib’.
Kab’ixik eri ajtzukul kech xkiriqo 11 chi ch’aweb’al ri’, jun puq chi chachal ri’ eri rajil are Q27 mil 770 xuquje’ jun k’aqb’al rech kaqiq’ kuk’aqo.