Pa uterenb’exik ri jun molaj elaq’omab’ che ri kakeleq’aj ri k’amq’aq’ ri’, are la’ xb’antaj ub’ixik loq rumal ri Empresa Eléctrica rech Iximulew, eri nik’aj xechapataj ri’ kab’ixik e are kikojom kib’ che e rajchak xuquje’ e rajsolinel chak ri’.
Aretaq ke’opan cho taq kachoch winaq eri e are ri’ kakib’ij che kakisolij ri contadores rumal k’o man utz ta ub’anom ruk’ ri k’amq’aq’ kojom pa le kachoch winaq ri’, rumal k’ut man utz ta ukojik k’o jun nim kitojb’al chi rij ri’ rech Q.7,000.00 xuquje’ pa Q.28,000 chi pwaqil rumal k’u ri’ xkitoq’ij ri winaq rech kakitoj ri k’asaj ri’ pa pwaqb’al ja pa kib’i’ nik’aj b’anol k’ax ri’.
Pa taq le b’anoj tzukunem ri’ we kamik xeriqitaj loq ri atz’iyaqb’alil che ri kikojom b’i rech kejo’san chi ke ri winaq kakib’an k’ax chi ke ri’.
Are wa’ k’o na kaya’ utzijol ri’.