Xchapataj kumal ri PNC jun b’anol k’ax kerelq’aj winaq pa Xe’laju’

Eri Comando Antisecuestros rech ri Wokajil Ajchajil Tinamit (PNC) xchapataj pa nimaq’ab’ rech q’ij lunes ri’ e oxib’ uwinaqil jun molaj b’anol k’ax keleq’aj b’i winaq pa Xe’laju’ ri’.

Eri xechapataj loq e are ri’ a Rony Milton Vicente Yoc, 24 ujunab’, a Elder Hiocema Escobar Flores, 32 ujunab’, xuquje’ a Edgar Amos Vásquez Rival, 48 ujunab’, aretaq xeriqtajik ketajin che usik’ik jun ukab’ tojb’al pwaq chi ke rumal rachalal le winaq kichapom b’i kuk’ ri xesax loq pa kiq’ab’ pa sábado kanoq.

Eri are ri’ xchapatajik pa jun b’anoj tzukunik kumal ri wokaj ajchajil tinamit xuquje’ are xumaj b’i US$ 200 mil chi pwaqil xutoq’ij chi rij ri’.

Eri puq Antisecuestros xkiterenb’ej resaxik pa k’ax ri’ pa nimaq’ab’ ri’, aretaq eri nik’aj molaj b’anol k’ax e k’o che usik’ik ri pwaq ri’, xaq k’a te’et xechapataj loq kumal ri’ (PNC).

Xriqtaj ri jun pisob’al pwaq kuk’, jun pickup xuquje’ jun kejch’ich’ ri tajin xkikojo xuquje’ jo’ob’ chi ch’a’wib’alil ri xkikoj pa le utoq’ixik ri pwaq chi ri winaq kichapom kuk’.

Eri winaq kichapom kuk’ xuch’ob’ k’ut kuwach nik’aj ajb’anol k’ax chirech ri’.

Alerta de Corrupción

Ultimas noticias