XCHAPATAJ RI JUN ACHI XUKAMISAJ RI ALAJ ALI SHARON JASMINE FIGUEROA ARRIAZA RI’

Rumal k’ut k’o jun nim tzukno’jchak xb’antaj rumal ri Ministerio rech Gobernación pa keqele’n reqa’lenelab’ ri Wokajil Ajchajil Tinamit (PNC) xekowin che uchapik loq ri jun achi ub’i’ Sergio Rolando López González 20 ujunab’, kab’ixik are xukamisaj ri alaj ali Sharon Jasmine Figueroa Arriaza wajxaqib’ ujunab’.

Eri q’atb’altzij rech ajchajil tinamit pa le wuqub’ rajilanem kajb’al pa le caserío El Rondón, chinaqaj ri krus b’e kab’e pa La Unión pa rulewal uq’ab’ tinamit rech Melchor de Mencos pa juyub’ tinamit rech ri Petén chi’ xkichap wi loq jun ri achi kamisanel ri’.

Eri xb’e uchapik loq rumal xterenb’ex ri tzukno’j xb’an chi rij loq kumal ri sak’ajil ajchajinelab’ rech q’atenik b’anoj k’ax chi ke ixoqib’ ri’, sib’alaj xkitzukuj ri utzijol pa taq le umolik tzijol xkib’an kuk’ ri winaqil ri’, ri xterenb’ej, xkichajij, xkisolij rachib’al tz’ib’atal kanoq pa taq ri esab’al rachib’al ri’ are wa’ juntir xilik rech xq’alajin chi upam chinaq ri ajkamisal rech ri alaj ali ri’.

Alerta de Corrupción

Ultimas noticias