Eri Ministro rech Gobernación, Francisco Jiménez, rachib’alm ri Viceministra rech Seguridad, Claudia Palencia; ri K’amal B’e rech Wokajil Chajin Tinamit (PNC), David Custodio Boteo xuquje’ ri Rajk’amal Ub’e ri Sistema Penitenciario, Sergio Vela, rech xemolin pa chomanem ruk’ ri Fiscal General rech ri Amaq’ xuquje’ Rajtaqanel ri Ministerio Público (MP), María Consuelo Porras, rech chi k’ut xechoma chi rij ya’ik uchuq’ab’ ya’olchajinem winaqila pa juntir qatinamit.
Are wa’ xkichoma ri q’atb’al tzij rech ri keb’ wokajilal ri’: B’anik jun ub’eyal b’anoj kemonchak rech q’atenik ri b’anoj k’ax pa ronojel rulewal tinamit; nab’ejsaxik ub’anik chomanem pa wokajilal ri’ rech kechomaxik keto’ik ri winaqil kikiriq; Ub’anik pa taq ri q’atb’al tzij ri tzukunem rech katerenb’ex uq’atexik ri b’anoj k’ax toq’inik pwaq xuquje’ kachomaxik pa wokajilal ri uchakunik ri antinarcóticos xuquje’ nik’aj chik b’anoj k’ax pa tinamit xuquje’ pa taq k’ulb’a’t juyub’ pa tinamit.
Pa le riqon ib’, eri Taqawokajnel rech ri Ya’olchajinem pa Amaq’ sib’alaj xutzijoj ri chak kab’anik are ri ya’olchajinem winaqil rumal k’ut “eri winaqilal man rech ta ke’eyenik”, xuquje’ xub’ij che kaya kachuq’ab’ ri wokajil chajinem pa tinamit ruk’ reqa’lenel che ri sib’alaj xkitijoj kib’ kena’wik rech kakiterenb’ej rilik ri b’iw b’ixik kumal winaq xuquje’ ri puqchajinem.
Rumal ri’, eri Fiscal María Consuelo Porras, sib’alaj xub’ij che ri b’anik kemonchak arech b’anik ya’olchajinem winaqilal, “rumal k’ut eri keb’ wokajilal ri’ k’o utz ri qachakum ri’, utz ri qab’anom ri’ xuquje’ rech utz katerenb’exik kaq’atexik ri b’anol k’ax, ub’anom.
Xuquje’ xub’ij che pa le riqon ib’ are xtzijoxik ya’ik uchuq’ab’ ri tzijolil chi kuwach rech pa uq’ijolil kechomax ri winaqilal ri’ rech ri ya’olchajinem xuquje’ rech kchapik ri e ajb’anol k’ax.