Eri reqa’lenel ri Wokajil Ajtzukunelab’ rech Q’atel Awan Kunb’alil (SGAIA) rech ri Wokajil Ajchajil Tinamit (PNC), xkichap b’i pa le Instituto Guatemalteco rech Migración (IGM) ri’ e k’iyalaj taq winaq e venezolana xuquje’ jun colombiana ri’, ri maj k’ot kiwujil keqam ri’ rech kek’oji pa we Amaq’.
Eri kaq’atexik kumal e ajchajil tinamit ri’ xb’antaj ri’ pa le Kilómetro 182 nimab’e Interamericana, pa rulewal ri San Jacinto, Chiquimula ri’.
Eri xechapataj k’ut e are ri’ a Oberney Vargas Coronado 25 ujunab’, uwinaqil colombiana ri are. Eri nik’aj venezolanos e are k’u ri’ a Tony Rafael Roldan Rodriguez 42 ujunab’, a Jean Carlos Rodriguez Arteaga 42 ujunab’, a Carlos Eduardo Gomez Mujica 34 ujunab’, a Jirfred Alejandro Suarez Liendo 27 ujunab’, a Deivys Efrain Herrera 32 ujunab’, a Yajoni Alber Bogado Blanco 29 ujunab’, a Peter Alexander Suarez Bello 32 ujunab’ ri’.
Xuquje’ xchap loq jun ub’i’ Luisneixys Marianyelis Rachadell Bermudez waqlajuj ujunab’ ri’ xuquje’ k’o jun ala waqlajuj ujunab’.
Eri q’atb’al tzij xkib’ij ri’ che konojel ri winaqil naj kapetib’al xek’am b’i pa jun alaj ch’ich’ microbús, rumal ri’ eri ajb’inisal ri’ ubu’i’ Juan Rafael Osorio Vargas 32 ujunab’ are aj iximulew xchapataj chi kij ri winaqil e uk’amom b’i maj pa usaqil ri’.