Xechapataj loq e jo’ob’ chi winaqil rumal awan qupin che’ pa Melchor de Mencos Petén xuquje’ pa Santa Cruz ri Quiché

Pa keb’ b’anoj tzukunem kumal ri ajchajinelab’ rech ri Wokajil Ajchajil K’ache’laj (DIPRONA) e k’o jo’ob’ chi achijab’ xechapataj loq rumal awan qupin che’ pa Melchor de Mencos Petén xuquje’ pa Santa Crus rech K’iche’ ri’.
Eri nab’e tzukunem are xb’an pa le peraj juyub’ chi k’ache’laj k’o p ale Cantón Xatinap II pa Santa Cruz rech K’iche’ chi’ k’ut xraqataj wi a Gregorio Pérez Pérez 37 ujunab’ katajin che qupin che’ ri uwach chaj le katak’ab’ raqan ri kapajan kajib’ chi etok’al ri’ ri are ri’ maj uwujil rech kuqupij ri che’ chi’.

Emu wari’ eri reqa’lenel chajin tinamit rech Melchor Petén, xeraqatajik ri a Juan Carlos Galván Vásquez 36 ujunab’, a Miguel Ángel Barahona Esquivel 53 ujunab’, a Joel Pérez Álvarez 35 ujunab’ xuquje’ a Mariano TiulBac 45 ujunab’ ketajin che qupin che’ xuquje’ tajin kakib’ilij ri che’ kiqupim chik rech ri uwach Pucte, ri k’o 1.75 chi etok’al kak’ob’ ri’ xuquje’ ruk’ 16 chi tem qupim ri rech ri che’ ri’.

K’o jun qach’ib’al che’ xesax ruk’ rumal k’ot uwujil che ri kuya’o ri Instituto Nacional rech Bosques (INAB) xuquje’ aretaq xta wujilal chech ri are man xuk’utu rumal ri’ xechap b’i q’atb’altzij ri’.

Alerta de Corrupción

Ultimas noticias