Pa le kaq’atexik ri narcotráfico ri’ eri reqa’lenel ri Subdirección General rech Ajq’atenel Awan kunb’alil ri’ uq’ab’ ri Wokajil Ajchajil Tinamit, xkiriq k’ut jun ch’ich’ karapapik ri reqam awan kunb’alil maj pa usaqil xok loq pa rulewal tinamit Iximulew ri’, rumal ri’ xb’e katzukuxik kumal e ajchajil tinamit ri xekowon che kichapik ri’ e kajib’ chi achijab’ ri’ ri keqam b’i pa le jun ch’ich’ karapap ri’ kajib’ chi pisob’al rech awan kunb’alil chinaqaj ri cooperativa «Mario Méndez» pa Sayaxché, Petén ri’.
Pa le rilik kib’i’ kitzijol nik’aj winaq ri’, xb’antaj kowonem xeriqitaj ri a Duglas Eliazar Escobar Pérez 23 ujunab’, a Leonidas Alisandro Cornelio García 27 ujunab’, a Rony David Ovando Cabrera 31 ujunab’, a Marcos Antonio Pérez Guzmán 28 xuquje’ a José Ich Pan 33 ujunab’ ri’, e are xaq k’a te’et xeriqitajik, aretaq keqam b’i kajib’ chi k’olib’alil, ruk’ ri awan kunb’alil ub’i’ cocaína ri’.
Pa le jun ch’ich’ karapap ri’ matrícula YV-2153, xar ruk’ kaq rij , ya’x uranch’ich’ xriqitajik, ruk’ jun ch’a’wib’alil k’o ujek’ib’al retalil, jun radio transmisor, jun GPS, ruk’ jo’ob’ chi rab’arik k’olib’alil ri’, jun chik koxtar k’olib’al ruk’ ri awan kunb’alil ri’ xeriqitajik.
Jeri’ xriqitaj loq keb’ ch’ich’ pick up, placas P087HYT, P938FCP xuquje’ ruk’ keb’ chi kejach’ich’ M975FSH, M473CNJ ri’.
K’o na kaya utzijol ri’.