Eri reqa’lenel ri Wokaj Ajchajinelab’ rech Ajq’atenel Pandillas ri’ (Dipanda) rech ri Wokajil Ajchajil Tinamit (PNC) xuquje’ ri q’atol tzij rech ri Ministerio Público (MP), xkichap jun ajb’anol k’ax ajtoq’il pwaq ri’, pa le jun tzukunem xb’antaj pa le Barrio La Cruz, Amatitlán, Guatemala ri’.
Eri jun xchapataj ri’ xch’ob’otaj uwach are jun achi Francisco Moisés Us Hernández, 26 ujunab’, kab’ixik are xtaq uchapik rumal ri Q’atb’al tzij rech Chimaltenango ri’ rumal ri toq’inik pwaq xub’an ri’, xecha’ ri e ajchajil tinamit.
Eri tzukunelab’ xkib’ij k’ut, eri jun a Us Hernández pa ch’aweb’al sib’alaj xutoq’ij wi apanoq chi ke jun ajk’ayinel rech Chimaltenango ri’ we man kutoj taj ri pwaq xub’ij che kukamisaj ri’.
Eri jun chik xchapik
Eri al Delmy Nohelia Montes Ventura, 41 ujunab’, xchapataj kumal ri wokajil ajchajil tinamit pa jun b’anoj tzukunem solinik xb’antaj pa le Ciudad Real I, zona 12 de Villa Nueva ri’.
Eri ajchajil tinamit xkib’ij che ri al Monte Ventura ri’ are taqom uchapik rumal Q’atb’al tzij rech Jalapa chi rij toq’inik pwaq xub’an ri’. Eri jun ixoq ri’ xk’am b’i pa q’atb’al tzij ri’.
Eri Ministerio rech Gobernación (Mingob) sib’alaj xe’usik’ij ri winaqilal ri’ rech chakib’ij b’a’ loq pa le 110 rech ri PNC xuquje’ pa le 1574 rech antiextorsión ri’, are rech rajwaxik kab’an utzukuxik uwach ri b’anoj k’ax rui’, rech kataq kichapik ri nik’aj e ajb’anol k’ax ri’.