Pa jun kemonchak xb’an kumal ri reqa’lenelab’ ri Subdirección General rech Investigación Criminal (SGIC) rech ri Wokajil Ajchajil Tinamit (PNC) kuk’ ri q’atol tzij rech ri Ministerio Público (MP) xkichap uloq keb’ molaj b’anol k’ax chi winaq kekamisanik kakeleq’aj kejach’ich’, kakib’an kamisanik xuquje’ toq’inik pwaq pa rulewal tinamit rech Chinautla, Villa Canales, Mixco, Santa Catarina Pinula xuquje’ Iximulew ri’. Eri tzukunem are la’ xb’an ri’ pa 9 rech abril ri’ are chi’ xechap uloq e 19 chi e b’anol k’ax ri’.
Eri nik’aj xechapik e julajuj chi uwinaqil ri jun “B’anda rech ri Fish”, xch’ob’ kuwach e are k’ut a Pablo L., a Anthony T., a Moisés Y., a Brandon C., a Edinson O., al Eva C., a Erick G., a Emerson Y., al Kimberly C., al Glenda P.y Saby R.. Eri nik’aj b’anol k’ax ri’ kab’ixik eri kimak xkib’ano are b’anoj taq k’ax, b’anoj taq elaq’, b’anoj taq kamisanik xuquje’ elaq’anik ri’.
Eri q’atb’al tzij xkib’ij eri nik’aj b’anol k’ax ri’ e are qas kakib’an ri k’ax pa nimatinamit rech Iximulew xuquje’ jeri’ chi rij panoq. Eri nab’e xkib’ano nab’e keb’e pa jun ch’ich’ che rilik ri kejach’ich’ e tak’ab’im, rech te k’u ri’ ketzalij uloq che releq’axik, te k’u ri’ kakimaj kaxib’ixik ri winaqil kakib’an ri k’ax chi re, xuquje’ we man kakiya taj kakikamisaj ri’ are chi’ eb’enaq chi rij taq kejach’ich’.
Xuquje’ xechapatajik e waqxaqib’ chi uwinaqil ri jun clica “Latin Crazy” rech ri Pandilla rech ri Barrio 18, e are k’ut jun a Diego N., Jorge S., Gumercindo F., María R., Lourdes R., Azucena M., Katerine C. y Cindy T., e are kab’ixik xkib’an toq’inem pwaq xuquje’ kamisan winaq.
Pa taq ri tzukunem xb’anik, eri wokajil ajchajil tinamit xkiriq k’ut 21 chi ub’aq’ k’aqb’alil utz kakojik, ruk’ 20 chi ch’aweb’alil, keb’ chi memoras USB, keb’ chi tarjetas SIM, keb’ Tablet, jun k’aqb’alil, jun k’aqb’al etz’ab’a’l xuquje’ ruk’ k’i taq wujilal, xuquje’ jun ch’ich’ ruk’ nik’aj jastaq ri maj uwujil usaqil ri’ ri xpis b’i kumal ri q’atb’al tziij rech katzukux juntir utzijol ri’.