Eri reqa’lenel ri Wokajil Ajchajinelab’ e Ajq’atel Pandillas (Dipanda) rech ri Wokajil Ajchajil Tinamit (PNC), xkichap loq keb’ chi pandilleros pa le kilómetros 4.5 nimab’e rech kab’e pa Atlántico, zona 17 rech pa nimatinmit.
Eri xechapatajik e are ri’ jun Allán Steve Ruano Flores Ristian 23 ujunab’, alias “El Caritas” xuquje’ a Edwin Arnulfo Orellana Isaías 20 ujunab’, alias “El Blacky” ri’, are chi’ xkil xe’opan e ajchajil tinamit ri’ xkaj xkanij b’i kib’ xek’aqan chi ke ri e ajtzukul kech ri’, pa aninaqil xechap ri’, xecha’ ri q’atb’al tzij.
Eri nik’aj xechapataj ri’ kab’ixik keqam jun k’aqb’alil josom retal rajilab’al ri’, ruk’ julajujn chi ub’aq’ k’aqb’alil utz kakojik rech raqarik k’aqb’al, ruk’ lajuj chi k’olib’al rech marihuana, ruk’ jo’ob’ rab’kunb’al ruk’ cocaína ri’.
Eri tzijol kumal ri’ PNC are xk’utu che ri jun a Ruano Flores k’o keb’ umak ub’anom rumal k’ayin awan kunb’alil xuquje’ xuban jun kamisanik pa le 2016. En k’u ri’ jun a Orellana xk’utunik k’o jun umaj ub’anom rumal xuk’ayij marihuana pa 2021 ri’.
Xuquje’, eri q’atb’al tzij xkitzukuj kij nik’aj xechapatajik kab’ixik e are e ajb’anol k’ax pa le 29 rech agosto rech ri 2021 ri’, chi k’ut xkisaq e oxib’ winaq ri’.
K’o jun chik xchap ri’
Rumal pa aninaqil k’ut eri e ajchajil tinamit xekowon che uchapik jun pandillero ri’ rech ri mara Salvatrucha, reqam jun k’aqb’al ujosomel retal rajilab’ ri’ pa le aldea Lo de Rodríguez, zona 18’.
Xchapataj jun chi ub’i’ Ronas Iván Hernández Medina 28 ujunab’ alias “El Gatillero” ri k’o jun umak ub’anim rumal reqaxik k’aqb’alil ri’.