Eri a Alexis Valentin Ajxup Morales, 32 ujunab’, are kab’ixik xk’am b’i kumal reqa’lenel ri Wokajil Ajchajil Tinamit (PNC), are chi’ e b’enaq pa jun ch’ich’ marca Nissan keqam wi b’i ri winaq e ajq’axel chi’ pa le kilómetro 210.5 ruta CA-2 Colomba Costa Cuca, Quetzaltenango ri’.
Eri wokajil ajchajil tinamit xkib’ij eri winaqil e cubana xuquje’ e venezolana ri’ e are sib’alaj xeto’ik ri’, rech te k’u ri’ xek’am b’i pa rachoch ri Instituto Guatemalteco rech Migración (IGM), rech xsuk’uma kiwujil rech ketaq b’i pa katinamit.
Pa jun chik ri’
Eri reqa’lenel ri División Especializada rech Investigación Criminal (DEIC), xkichap loq jun achi ub’i’ Marcelo Ajmac Ajmac, 35 ujunab’, pa le kilómetro 203 ruta CA-2 Colomba Costa Cuca, Xe’laju’ ri’.
Eri e ajchajil tinamit xkib’ij che ri jun achi xchapataj ri’ are b’enaq pa jun ch’ich’ marca Toyota Yaris, ruk’ ri placas rech kab’inisaxil P460GYM, are chi’ e uk’amom b’i e k’i winaqil rech Venezuela xuquje’ Cuba ri’.