Rumal k’ut k’o jun b’anoj k’ax xkib’an ri winaqil chi la’ ch ke ri e’ajchajil tinamit pa xq’atex wi ri nimab’e pa El Estor, pa Izabal ri’, chi’ k’u ri’ e k’o kajib’ e’ajchajinelab’ xek’aq chi’, rumal ri’ eri K’amal b’e Amaq’ rech ri Wokajil E’ajchajil Tinamit, Héctor Leonel Hernández Mendoza, xopan xe’uxolij ri e’oxib’ e’ajchajil tinamit ri xesakatajik ri xek’am b’i pa Nimaja rech Kunanem rech ri Wokajil E’ajchajil Tinamit ri’ cho kaj k’ut xek’am b’i pa aninaqil chi la’, xuquje’ rech xopan che umaltyoxixik chi ke ri’ sib’alaj rumal ri kchak jeri’ xb’an chi ke, rumal k’ut e’utz taq e’ajchak e’aj iximulew, tajin kakiya’o ri kik’aslemalil pa kamikal ri’.
Eri reqa’lenel xesakatajik are rumal xkinimaj ub’anik ri kchak ri’ e are k’ut ri Oficial Tercero José Magdaleno Pérez Carías, xsach pa umok che raqan rech pa umox che k’aqb’al ri’, eri nik’aj chik eqa’lenelab’ e are k’ut a Edgar Obdulio García Hernández, xak pa umok rech raqan uwi’kaq’ab’, a Melvin Gudiel Chen Cuxum, xsak che raqan rech pa uwi’kaq’ab’, xuwotz’ir ri raqan ri’ xuquje’ a Halmer Leonel Zarceño Arévalo xtaqaxik pa umok rech uwi’kaq’ab’ chi k’aqb’alil ri’,
Rumal ri’ eri Hernández Mendoza xuya’ ub’ixik che xech’ob’otaj ri’ chinaq xkib’an ri k’ax ri’ chi ke ri e’ajchajinelab’, xaq xu’ wiri’ xuya’ utzijolil, rumal k’ut are ri q’atb’al tzij kuchomaj wari’.
Xub’ij chik che xtanab’ ri b’anoj ch’ojinik chi’, are eyem k’ut rech kachomataj wari’ pa juntir.