Pa jun tzukunem xb’antaj pa 15 rech enero ri’ kumal reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa le colonia Rosa Linda, zona 3 rech Escuintla, xechap wi e waqib’ chi winaqil e ajk’ayin awan kunab’al xuquje’ xriq nik’aj chik jastaq maj pa usaqilal ri’.
Eri xechapik xch’ob’ kuwach are k’ut a Luis Rogelio Hernández Rodas, 20 ujunab’, a Víctor Hugo Palacios Marín, 49 ujunab’, a Walter Antonio Ávila Ortiz, 28 ujunab’, al Natalia Nohemí Quiñonez, 37 ujunab0’, a Glauco Eduardo Quiñonez, 20 ri’. xuquje’ k’o ala 17 ujunab’ xk’am b’i pa jun Q’atb’al tzij Ke’uchomaj Ab’om Alitom Kenimanta tzij.
Pa le tzukunem ri’, eri wokajil ajchajil tinamit xkiriq 20 chi pisob’al ruk’ cocaína, jun k’olib’al rech ch’iyim ruk’ marihuana, jun ch’uti’n pajib’al, 17 ub’aq’ k’aqb’alil utz kakojik, 9 rij ub’aq’ k’aqb’alil xuquje’ ruk’ Q2 mil 741.50 chi pwaq b’otolik. Xuquje’ xriq jun kejach’ich’, ruk’ nik’aj chik jastaq maj pa usaqilal.
Eri q’atb’al tzij xkib’ij, eri tzukunelab’ ketajin che tzukunem rech tajin xkitzukuj ri jun ala, are chi’ xe’opan chi la’ xek’ul tzam k’aqb’al ri’, rumal ri’ pa aninaqil xkita katob’anik ri ajchajinel chi la’ rech te k’u ri’ xkichapo nik’aj e b’anol k’ax ri’.