Eri taqawokajnel rech ri Ya’olchainem pa we Amaq’, David Napoleón Barrientos, xub’ij che we q’ij lunes 24 rech octubre ri’ xuya utzijol chi rij jun jul wuqub’ chi etok’al chik raqan, oxib’ chi etok’al b’enaq chik pa juyub’ pa le Granja Modelo rech Rehabilitación Penal Pavón ri’, k’o chi la’ pa Fraijanes, Iximulew ri’.
Eri e ajpache’ ri’, kib’i’ a Mario Roberto García Jiménez, rech ri sector 4E xuquje’ a Rodrigo Humberto Menéndez ri’, rech ri sector 9 ri’, xeriqitaj kumal e rajchajinleab’ ri Sistema Penitenciario ri’ (SP), are chi’ ketajin che uk’itixik ri jun b’e pa juyub’ rech ke’al b’i pa jun tzaqib’al mes k’o pa le japache’.
Eri a García Jiménez y Menéndez ruk’ ri a Menéndez xkib’ij che ri kachib’il ri’ kib’i’, a Adelso Contreras Ruíz alias El Coco, rech ri sector 12 xuquje’ a Marco Baudilio Godoy Trujillo, ub’i’ kab’ixik alias Pastor Falso, 48 ujunab’ ri’, are keb’ixik xkichomaj uk’itixik ri jun jul pache’ ri’ rech kakesaj b’i kib’ chi la’ k’ut.
Eri q’atb’al tzij ri’ xkib’ij eri jun a Godoy Trujillo are xchapataj ri’ rumal xreleq’aj winaq ri’ pa le 2014 ri’, are kab’ixik jun chi uwinaqil ri jun molaj b’anol k’ax kib’ Falsos Pastores ri’, ri kab’ixik e are xkib’an ri xkik’itij ri jun jul pa juyub’ chi la’ pa japache’ ri e tz’apil wiri’.
Eri tzukno’jchak ri’
Eri b’anoj puqchajinem xuquje’ ri tzukno’jchak rech ri Unidad rech Análisis rech ri Dirección General rech ri Sistema Penitenciario (DGSP) ri’, rech ri Wokajil Ajchajil Tinamit (PNC), are xuq’atij kuwach nik’aj e ajpache’ ri’ ri tajin kakaj kakesaj b’i pache’ ri’.