Eri Q’atb’al tzij rech ri Ministerio rech Gobernación, David Napoleón Barrientos, xub’ij che utz kurilo ri chak xb’antaj kumal ri wokajil ajchajil tinamit ri’, rech kaq’atexik jun molaj e’ajb’anol k’ax ri’ kib’i’ “Los Tamaulipas”, ri xuya’ pa retal rech xechapik e 11 ch winaqil ri’ e k’o oxib’ abogados y notarios chi ke, jeri’ e k’o kajib’ chi e’apojil ri’ ri xeriqitaj pa Tejutla xuquje’ Camotancillo, San Marcos ri’.
Eri e’ajno’jchakunel ri’ rech ri Derecho ri xechap loq e are ri’ a Bladimir Alexander Miranda Salvador, Paola Lilian Gabriela Almengor Gutiérrez, Egón Hidaldo Salvador y Salvador ri’.
Xuquje’ xeriqitaj loq e kajib’ chi ak’alab’ ri keb’, oxib’, kab’lajuj xuquje’ kajlajuj kijunab’ ri’,
Eri 10 chi b’anoj tzukunem ri’ are xb’an kumal e’ajchajil tiamit kumal reqa’lenel ri Investigación Criminal, Antinarcóticos xuquje’ Operaciones ri’.
Eri xechapatajik e are ri’: jun achi ub’i’ David Coronado Pérez, a Byron Baldomero Coronado Agustín, al Mayte Josefina Dinora Marroquín, a Armando Wilfredo Guzmán Coronado, a Juan Diego Miranda López, a Efraín Miranda López, a Diego Iván Coronado Agustín xuquje’ a Wuester Raul Monterroso Mendoza.
Pa le katzukuxik ri’ xuquje’ xterenb’ex kchapik rumal ri k’ax xk’ulmataj pa le 22 rech enero rech ri 2021 ri’, pa le tinamit rech Camargo, Estado rech Tamaulipas rech ri Estados Unidos Mexicanos ri’, chi la’ k’ut eri q’atb’al tzij rech pa nimatinamit r ri’ xkiriq wi e 19 chi winaq e porom ri’ pa oxib’ chi ch’ich’, ri kab’ixik ri sib’alaj b’alajisam chi k’aqb’alil ri e porom ri’, chi upam k’ut xeriqitaj wi e 16 chi winaqil e aj iximulew ri’.
Eri nik’aj winaq xechapataj ri’, kab’ixik eri k’ax xkib’an ri’: Kik’amik winaq ri’ ri maj pa usaqil kib’i’, ri choman b’anoj k’ax ri’, rumal poq’san pwaqil ruk’ nik’aj chik jastaq ri’, rumal man are ta kiwujil ri winaqil xkikojo rumal ri’ xkiq’atij uwach ri q’ab’al tzij ri’.
Eri q’atb’al tzij xkiya’ loq ub’ixik che ri pa le kachoch ri winaq ri’ xriqitajik: Q. 1,466,987.21, $. 36,675.00 Dólares americanos ri’, $. 2,000.00 Pesos Colombianos ri’, € 9,390.00 Euros ri’, L. 100.00 Lempiras ri’ xuquje’ $. 50.00 Pesos Mexicanos ri’. Xuquje’ jun b’ilob’al ub’aq’ k’aqb’alil, jo’lajuj chi ch’a’wib’alil, 61 chi ch’ich’ tragamonedas ri’, jun máquina rech karijilaj pwaq ri’, kajib’ chi ch’ich’, oxib’ memorias USB, oxib’ kematz’ib’ab’al rech keqaxik, jun k’aqb’al, julajuj chi ub’aq’ k’aqb’alil utz kakojik xuquje’ ruk’ k’i taq wujil ri’.