Xesolix ri ajchajinelab’ rech q’atel awan kunb’al pa le Aeropuerto La Aurora ri’

Eri reqa’lenelab’ ri Subdirección General rech Análisis rech Información Antinarcótica (SGAIA) ri’, ri xtaq ub’anik rumal ri k’amal b’e Amaq’ Alejandro Giammattei xuquje’ rumal ri taqawokaj ya’olchajinem pa Amaq’, David Napoleón Barrientos, ri viceministro Fernando Rodas de León xopan pa solinem pa le Aeropuerto Internacional La Aurora (AILA) ri’ pa jalajoj kik’olib’em ri ajchajinelab’ kechajin chi la’ k’ut.

Pa le ub’ik chi la’, eri viceministro are xusolij jujun k’olib’em rech ri ya’ojchajinem tzukunik chi’ che ri kakisolij juntir ri jastaq kok’ow chi’, ruk’ taq b’anoj tzukunik chi ke ri winaqil che ri ke’ok loq xuquje’ ri ke’al b’i rech keb’ pa taq tinamit pa ronojel uwachulew.

Eri Rodas De León, xuwa’katej pa juntir upam ri rachoch k’olib’al kqajib’al xik’ach’ch’ ri’ rech kurilo we sib’alaj utz ri katajin ub’anik chi’ rech man kaya ta kan ub’anik ri ya’ochajinem tzukunik ri’.

Xub’ij chik, che we kamik ri’ e k’o jun wokaj ajchajinelab’ e ajq’atel awan kunb’al ri kakisolij juntir uwach ri jastaq we k’o pa usaqil rech ka’ok loq pa rulewal qatinamit ri’ xuquje’ rech kaq’atexik we k’o jastaq maj pa usaqil kel b’i pa taq nik’aj chik tinamit ri’ are wa’ rech kaq’atexik ri narcotráfico ri’.

Rumal kr’ eri e ajchajinelab’ rech ri SGAIA xuquje’ ri binomios K-9 ri’, pa kik’ulajil are jun ajchajinel ruk’ jun tz’i’ eqa’lenel, rech ketob’anik pa aninaqil kakitzukuj we k’o awan kunb’al ri’.

Ultimas noticias

Alerta de Corrupción