E k’o e juq’o’ lajk’al (600) chi winaqib’ xilotaj kitzjolil pa taq puqtzukunem xb’an pa tinamit ri’
Eri reqa’lenelab’ ri Comisaría 31 kuk’ ri wokaj sak’ajil rajchajinelab’ ri Wokajil Ajchajin Tinamit (PNC) pa amaq’el ketajin che puqtzukunem chajinik pa taq jalaloj k’olib’alil rech rulewal tinamit rech Escuintla, rech xb’an uq’atexik taq ri b’anow k’ax xuquje’ rech kato’ik kachajixik ri winaqilal ri’ xuquje’ rech xb’an kowilaj uchuq’ab’ ri chajinem pa taq ri k’olib’al chi la’ k’ut.
Eri b’anob’alil ri’ are xumaj ukojik taq k’olib’al chajinemt tzukunik pa tinamit chi la’, che ri wokajil ajchajin tinamit xkib’an le rilik ri kitzijolil ri wnaqilal rech xkikub’isaj rilik wexa’ e k’o winaq taqom kichapik, rech xkilo we keqam ri kiwujilal ri’ ruk’ rilik taq we maj awan jastaq kunb’al eqam b’i.
Xuquje’ xesolix kitzijol kiwujil ri b’insal ch’ich’ ri’ rech xb’an le rilik wexa’ k’o e elaq’am b’i chi ke, rech wene’ e k’o e kojom pa k’ax. Pa le 22 rech agosto k’a pawe q’ij, e k’o 640 chi winaqil xilotaj kitzijolil, e k’o 541 chi b’insal ch’ich’ xesolixik xuquje e k’o 345 xeq’alajinik chi k’o kiwujil pa saq pa le utzijolib’al ri PNC.
Eri Carlos Castañeda, rajtaqanel ri Comisaría 31 rech ri PNC, sib’alaj xuya ub’ixik chi kaya uchuq’ab’ ri uq’atexik taq ri k’ax ri’ xuquje’ chi kab’an ri kachajixik ri winaqilal pa tinamit.
Pa taq le puqtzukunem chajinik ri’ xuquje’ xb’an eri ajchajin tinamit xechajin chi rij taq kejach’ich’, che kaqan pa taq k’ax okem, xuquje’ xkib’an ri q’alanik k’ax ruk’ kopanik ri rajchajinelab’ ri rulewal tinamit ri’.
Eri wokajil ajchajin tinamit xub’ij chi ke taq ri winaqilal rech chakib’ij b’a’ le 110 kuk’ ri PNC, xuquje’ pa le 1574 rech antiextorsiones ri’, wexa’ k’o k’ax kakilo kab’anik rech b’a’ kechapik ri nik’aj e’ajb’anol taq k’ax.