Are uwach ri B’anob’al Transformación Policial ri’ che ri taqom ub’anik rumal ri K’amal B’e Iximulew pa reqele’n ri Ministerio rech Gobernación (Mingob), pa 13 rech diciembre ri’, e k’o 25 reqa’lenel ri Wokajil Ajchajil Tinamit (PNC) xkik’is katijoxik kib’ che ri inglés tzij. Eri kanimaq’ij ri’ are la’ xb’an pa le Teatro Dick Smith rech ri Instituto Guatemalteco Americano (IGA), zona 4 rech uk’u’x nimatinamit.
Pa le nimaq’ij ri’ xopan ri Quinta Viceministra rech Antinarcóticos, Dana Barillas, ruk’ ri K’amal B’e Adal Rodríguez Najarrio, ri K’amal B’e rech Tijob’al Ajchajil Tinamit, Wilson Erasmo Díaz xuquje’ ri K’amal B’e rech ri IGA, Ana Silvia Ramírez.
Eri Viceministra Barrillas, xumaltyoxij ri tob’anem xya kumal rajtijonelab’ ri IGA chi ke e ajchajil tinamit rech kich’ob’ ri inglés tzij, are la’ kuya nim upatanib’al ri tijonem chi ke ri q’atb’al tzij rech Ya’olchajinem pa Amaq’. “Eri tijob’enik ri’ are uwach ri kopan ri ajchajil tinamit rech ri PNC rech kek’oji are chi’ xkik’iso ret’amaxik ri inglés tzij!, xcha’ ri nan ajpatanel.
Xuquje’ eri ajchajil tinamit ri’, xkimaltyoxij xek’oji pa le tijob’anik, rech are la’ ketob’an chi ke ri kachib’il, jeri’ rech kakiya uq’ijol ri wokajil ajchajil tinamit rumal ri xetijox ri’.
Pa k’isb’al ri’, eri K’amal B’e rech ri IGA xub’ij che ri k’uttijonem chi ke ri wokajil ajchajil tinamit are la’ rech kakib’an ri utzilem tob’anik pa tinamit. “Sib’alaj xuya ub’ixik ucholaj ri chajinem kakib’an ri xk’is katijoxik, rumal k’ut are la’ jun nim utzilaj k’utb’al b’anoj xkib’an ri’ xuquje’ chi ke ri winaqilal, rumal ri’ kinb’ij chiwe rech kaqaterenb’ej ri b’anoj eta’manik ri’”, xcha’.