Eri Wokajil Ajchajin Tinamit (PNC) xkiterne’j ub’anik ri tijonem rech reta’mab’alil tijonik rech chajin tinamit pa taq le k’uttijonem chi ke reqa’lenelab’ ri taqawokajil ri’. Pa le 13 k’a pa le 17 rech abril xb’an ri tijonem ub’i’ “Introducción al ejercicio de la docencia policial”, eri cholchak are tob’am uchakunik rumal le Red rech Internacionalización Educativa Policial (RINEP) ri’, ri rech kuwa’lijsax ri tob’anem xuquje’ ri tijonik rech reta’mab’alil taq ri taqawokaj rech ya’olchajinem pa kulewal taq amaq’ib’ pa uwachulew.
Pa le k’uttijonem xkimol wi kib’ e julajuj chi ajchomanelab’ rech Iximulew, Colombia, México, Panamá, Costa Rica, Honduras xuquje’ Paraguay ri’, ri e’are kab’ixik xetijox chi rij le rajawaxik ri’ jacha ri taqom ub’anik pa taq amaq’ib’ pa uwachulew. Eri cholb’al chak ri’ are chi rij taq tijonem rech reta’mab’alil chajin tinamit, rech chi rij taq ch’ob’ow ri’, jeri’ chi rij taq b’anon tijonem xuquje’ pa uwachwuj pa kaqiq’ apan, rech taqim ya’ik uchuq’ab’ ri b’anow taq tijonem pa le katijoxik ri wokajil ajchajin tinamit. Xuquje’ rech ya’ik uchuq’ab’ taq b’anow chak, eri retal tijonem ri’ are la’ kub’an runimal tijoninem chi rij taq ri chakum ri’ xuquje’ chi rij utz taq b’anowem pa le katijoxik ri ajchajin tinamit, rech kab’an le jun ilonem pa juntir ub’anikil xuquje’ rech ya’tal pa uq’ijilil ri tijonem pa taqawokaj ri’.
Le viceministra rech Tecnología rech ri Tzijolil xuquje’ rech Tijiob’en ib’, al Karen Ortiz, are xnab’ejik pa le jaqik uwach ri wari’. Pa le sib’alaj xub’ij wiri’ che ri k’uttijonem are qas katob’anik pa le ya’ik uchuq’ab’ ri b’anow tijon e’ajchajiin tinamit xuquje’ sib’alaj xub’ij chik che ri tzijob’elil pa taq amaqib’ ri wa’lijsaj utz uterne’xik kumal taq ri taqawokaj pa le kemonchak yakonem, ri xuk’am uchuq’ab’ ruk’ taq ri chakub’alil ri k’o nim upatan pa le uk’exik uwach xuquje’ pa kapixb’exik ri k’ak’al taq winaq pa chuwe’q kab’ij.
Pa le ilob’anem ri’ xk’oji wi ri k’amal b’e rech ri PNC, a Héctor Prera, ri k’amal b’e rech ri tijob’al ub’i’ Escuela rech Especialidades rech Wokaj Chajin Tinamit, a Ilseas García, kuk’ ri rajtaqanelab’ ri wokaj chajin tinamit.
Eri q’atb’al tzij rech ri Ministerio rech Gobernación ri’ sib’alaj xkib’ij che ri b’anowem ri’ are uwach le jun b’anowem pa taqawokaj ri’ rech pa le katijoxik ri e k’ak’ e’ajtijoxel pa le tijonem rech chajin tinamit le kab’an pa ukojik taq ri utz taq b’anob’alil rech tijonem jacha ruk’ ri taqom ub’anik kumal amaq’ib’ pa uwachulew ri’, are uwach ri’ ri eqale’n chak rech ya’ik uchuq’ab’ ub’anikil taq b’anow puqtzukunem xuquje’ pa tijob’enik rech ri PNC kab’an ri utzilem chi ke ri winaqilal pa tinamit.