Pa taq’ajil rech rulewal amaq’ tinamit ri’ xkiwok uwach ri nab’e Taqawokaj chomanem rech Chajinik, eri qas kupatanij ri’ are ri b’anow ri kemon chomanik pa taqawokajilal rech kab’an ri kemon chajinem rech uq’atexik taq ri b’anow k’ax, rech kechajixik ri winaqilal, xuquje’ rech kakub’isax ri k’olemalil pa rulewal tinamit rech Escuintla ri’.
Eri k’ak’ taqawokaj chomanem ri’, xunab’ejsaj rib’ chech ub’anik rumal ri Ministerio rech Gobernación (Mingob) ruk’ ri Gobernación Departamental rech Escuintla, ruk’ ri Wokajil Ajchajin Tinamit (PNC) pa taq ri comisarías xuquje’ pa taq ri divisiones especializadas, ruk’ ri Taqawokaj Ajchajin amaq’ Iximulew ri’, xuquje’ ruk’ ri Comisión rech Asesoramiento xuquje’ Planificación (CAP) rech ri Consejo Nacional rech Seguridad ri’.
Le comisión ri’ kub’an uno’jixik ri chak rech ri b’anow ri chajinem pa amaq’ tinamit.
Eri Embajada rech Estados Unidos rech América ri’ xuquje’ katob’anik pa le taqawokaj chomanem ri’ pa le upatanexik ri cholchakunem rech b’anow tob’anik winaqilal ri’. Eri tob’anem ri’ kumal taq ri amaqib’ nimatinamit k’o jun nim rutzilal kub’an pa le ya’ik uchujq’ab’il ri b’anow taq puqtzukunem ri’ xuquje’ pa le ub’anik taq ri chajinem chuwe’q kab’ij pa rulewal tinamit aj iximulew ri’.
Pa le riqon ib’ chomanem ri’, eri q’atb’al tzij xikiriq kib’ ri’ sib’alaj xkib’ij chi k’o nim upatanib’al ri k’ak’ taqawokaj rech chomanem rech ub’anik taq kemonchak kumal ri wokajilal e’ajchajinel pa Amaq’ Wokomal ri’, xikikub’isaj ub’anik wa’ pa aninaqil rech xkichomaj ri rajawaxik xuquje’ ri kachajixikr i winaqil aj escuintleca ri’.
Le ukojik ri taqawokaj chomanem ri’ are la’ k’o pa cholchakunem Plan Estratégico rech Seguridad (PES) 2025-2035, jun chakub’alil wokom uwach rumal ri Taqamaq’ib’ rech Iximulew ri’ rech cholajib’al ri patan kumal ri taqwokajilal, rech qas kab’an uchajixil ri rajawaxik taq pa tinamit, xuquje’ rech kab’an ri chajinem pa taq tinamit rech qastzij b’a’ k’o uchuq’ab’il kub’ano pa le wa’lisab’al ib’ ri’.
Ri xchakuxik
Eri b’anow chak ri’ kumal ri wokajil ajchajin tinamit xuquje’ kuk’ ri e’ajchajin amaq’ are la’ uwach ri taqon b’anow Korlim Chajinik xuquje’ le Operación Centinela ri k’o rutzilal chak xub’an ri’ pa le kaq’atexik ri molaj b’anol k’ax, pa le uq’atexik taq ri k’ax xuquje’ pa le ya’ik uchuq’ab’il ri b’anow chajinem pa amaq’ tinamit ri’.
Xya ub’ixik utzijol ri’ ri chajinem xb’anik pa le xechapataj wi loq e 1,092 chi winaqilal ri jalajoj ri kimak xkib’ano, rumal ri’ xriqitaj loq 164 chi k’aqb’alil maj uwujilal ri’, jeri’ xeriqitajik e 55 chi kejach’ich’ xuquje’ 28 chi e b’insal ch’ich’ ri kab’ixik e’elaq’am b’i.