K’o awan jastaq kunb’al, pwaq ruk’ nik’aj chik jastaq maj pa usaqilal xriqitaj pa jun puqtzukunem pa Tz’apib’al ja kech Achijab’ xuquje’ Ixoqib’ rech Chimaltenango ri’.
Eri puqtzukunem ri’ are la’ xb’an pa le 16 rech abril kumal rajchajinelab’ ri Tz’apib’al Ja ub’i’ (SP), pa kemonchak kuk’ reqa’lenelab’ ri Wokajil Ajchajin Tinamit (PNC) xuquje’ kuk’ E’ajchajin Amaq’ Iximulew ri’.
Pa taq ri puqtzukunem ri’ xriqitaj pa ronojel 18 chi k’olib’al ware rilik ri k’o awan kunb’al rech cocaína chi upam, ruk’ 120 chi kaxonil ruk’ taq sik’, ruk’ 60 chi puch’b’al, jun ch’aweb’al rech keqaxik, jun kaxonil rech josb’al ri’, 100 chi tzijib’al q’aq’, ruk’ 33 chi paqab’sib’al uta’ik qulaj, ruk’ waqib’ chi ilowachib’al.
Xuquje’, k’o lajuj chi kolob’ch’ich’ xriq ri’, ruk’ keb’ chab’al rech videojuegos, oxib’ lame’t ruk’ alcohol, oxib’ tub’ub’al awan kunb’al, jun tak’ek’ rech q’antzam, jun laj lame’t rech tzam, keb’ pajil kajb’al, jun ramib’al xuquje’ Q600 chi pwaq b’otolik, ruk’ nik’aj jastaq maj pa usaqilal.
Eri puqtzukunem ri’ are kab’anik rech b’anow chajinem pa taq rachoch tz’apib’al winaq pa rulewal amaq’ tinamit, ruk’ wa’ are taqim uq’atexik uq’axb’alil awan jastaq ri’ k’a pa taq tz’apib’al ja.