E k’o oxib’ reqa’lenelab’ ri Wokajil Ajchajin Tinamit (PNC), ri e taqom pa le Wokajil ub’i’ División rech Investigación xuquje’ Desactivación rech K’aqb’alil ruk’ Poq’san Q’aq’ ri’ (DIDAE), xkik’is uwach ri nimatijonem chi ke pa amaq’ib’ ub’i’ “Técnico Operador rech Explosivos”, ri xb’an chi la’ pa Mendoza, Argentina, uwach ri b’anow ya’ik uchuq’ab’ ri tijonem xb’an chi ke rech ya’ik uchuq’ab’il ri je’lb’anow kichak kipatan pa le taqawokajil ri’.
Pa le k’uttijoninemri’ xek’oji e 22 chi eqa’lenelab’ e taqom ri’ rech taq nimatinamit amaq’ib’ Argentina, Brasil xuquje’ Iximulew, ri xkitz’aqatisaj 504 chi kajb’al ri’ rech xetijoxik rech xkich’ob’ rilik uchapik ri poq’sab’al ruk’ uminik pa awalik taq poq’sab’al k’aqb’al ri’, ri maj jun winaq reta’m tane’, rech kesaxik ri winaq pa kaq’ab’ ri ajxib’ib’anel ri’ xuquje’ rech kakiq’atij ri xib’in b’anow k’ax, xuquje’ rech kab’an pa ucholajil ri ulab’al tzij ri’ rech kilik kachomaxik ri b’anow k’ax ruk’ k’aqb’al poq’sab’al.
Le b’anow tijonem ri’ are rech kuya uchuq’ab’ ri b’anik kichak ri PNC rech keb’e che uq’atexik wexa’ k’o ri k’ax kakilo kab’anik xuquje’ rech kuk’am uchuq’ab’ ri tob’anem kumal taq ri amaq’ib’ ri’ pa le b’anow ri chajinem. Ruk’ ri b’anowem ri’, le taqawokajil sib’alaj kukub’isaj ub’ixik che ri no’jb’anik chak ri’ pa je’lib’anil rech kab’an ri utzilem chi ke ri winaqilal e’aj iximulew.