Eri reqale’nelab’ le Nimawokajil ub’i’ División rech Puertos, Aeropuertos xuquje’ Puestos Fronterizos (DIPAFRONT) rech ri Wokajil Ajchajin Tinamit (PNC), xkik’am b’i jun ch’ich’ reb’al jastaq rumal man k’ot uwuj utzijol pa le nuk’uam uwachwuj kumal ri q’atb’al tzij, rumal ri’ rech kaq’alijixik we man q’atow tojb’al tojom ta chi rij ri’ pa ub’anikil aduanera ri’.  Eri q’atexik ri’ are xb’an pa le aldea Boca del Monte, rech Dolores, Petén.

Eri q’atom utoq’axik ri’ are uwah ri puqtzukunem chajinik tajin ub’anik pa kemonchak ruk’ ri Consejo Interinstitucional rech ri Kaq’alik Kaq’atexik ri Defraudación Fiscal xuquje’ ri Contrabando Aduanero (COICON) ri’.

Eri rajb’insal ri ch’ich’ reb’al jastaq are ri’ a Erick Otoniel “N”, are kab’ixik ub’insam ri jun ch’ich’ ri’ ruk’ le placas rech reqam C-085BWJ, pa le k’amom b’i jastaq rech uwa’l tz’um wakax. Pa le xsolixik, eri q’atb’al tzij are chi’ xkisolij ri uplacas rech kab’insaxik ruk’ le retal rajilab’al man are taj k’o pa le nuk’ub’al tzijolil kumal ri q’atb’al tzij, rumal ri’ pa kemonchak xb’an wari’ ruk’ le Ministerio Público (MP) rech kab’an uchomaxik ri’ xuquje’ rech katerne’xik ub’anik ri tzukunik chi rij rech kaq’alajisaxik.

Eri q’atb’al tzij xkib’ij che ri puqtzukunem ri’ are katerne’x ub’anik pa taq ri tinamit rech Petén rech kaq’atexik ri k’ax k’ayinem awan jastaq, rech ya’el uchuq’ab’ ri chajinem pa taq k’ulb’a’til xuquje’ rech kaq’atexik ri elaq’nik chi rij taq ri jastaq k’ayib’al ri’.