Eri reqa’lenel ri Departamento rech Tránsito rech ri Wokajil Ajchajil Tinamit (PNC) pa unimaxik ri Plan Centinela, xb’an nim katzukuxik ri e ajb’insal ch’ich’ xuquje’ kekach’ich’ rech xkoj kitojob’al ri e ajb’insal ch’ich’ ri’ rumal xok’ow uqijol ri wujilal keqm xuquje’ rumal man k’ot kiwuj keqam. Xuquje’ rech xeq’atexik ri kakib’an opanriqow pa taq nimab’e rech pa nimatinamit rech Iximulew xuquje’ pa taq nimab’e rech pa amaq’il.
Eri tzukunem ri’ are la’ xb’an chinaqaj ri Aeropuerto Internacional La Aurora (AILA) zona 13, avenida Las Américas xuquje’ bulevar Próceres zona 10 ri’.
Rumal k’u ri’ eri oficial Edwin Coleto, ajilonel taqanel rech ri Operaciones rech DT-PNC, xub’ij eri tzukunem ri’ are la’ xb’anik rech uq’atexik ri opanemriqow ri’ xuquje’ rech xeq’atexik ri e ajb’insal ch’ich’ kitijom tzam.
“Kojtajin che usolixik ri kiwujil ri ch’ich’ ri e ajb’insal rech taq, kiwujil winaq ri’, ri kuriq uqul ri ch’ich’, ri kejach’ich’ we kikojom ri casco ri winaq chi rij xuquje’ rech kilik we ri placas kojom chi rij taq. Jeri’ rech xaqib’ij chi ke ri e ajb’insal ch’ich’ rech utz pa utzil keb’e ri’ xuquje’ rech kakeqaj ri kiwujil ri’ ri utz k’o pa uq’ijol”, xcha’ ri Corleto.
Eri taqim ub’anik ruk’ ri Plan Centinela ri’ eri kub’sib’al k’u’x chajin winaqilal ri’, rech q’atenik ri riqon k’ax pa taq nimab’e xuquje’ rech uq’atexik taq ri k’ax, rech b’anoj taq tzukunem pa taq ri wokja k’olib’em winaq che ri qas kab’an wi ri k’ax pa rulewal nimatinamit rech iximulew.